ياهوه واثر الحب له طعم يا ناس=له نكهةً تفرق وله رونقً غير
واثره يخلي العقل مفقود م الرأس=والقلب بين اضلاعه العوج ك الطير
واثر سكر لكن ما انصب في كاس=لاهو بلاك وفوتكا لا ولابير
سكرً ويكمن سره ابقرب الانفاس=سكرً بريق اشفاه وابلا محاذير
واثره مدينه واثر له جند حراس=باب المدينه الصدق ان جو مسايير
وحراسها جند الوفاء وجند الاحساس=وجندً من الاخلاص للي نوى اْيغير
واثره تشارك بالفرح والا الاتعاس=في كل حلو ومر في كل ما يصير
ماكنت باللي قلت داري ولا حاس=لولا خلود اللي لها كل تقدير
اللي غلاها صعب يوفى بقرطاس=دام ان له نكهه وله رونقً غير