جيتي .. تحدّيـن .. المسـا والمسافـه=جيتي .. تردّين بثقه .. بيـت مشطـوب
(قبلـك .. توقعـت المحبـه خـرافـه=وبعدك .. عرفت ان الهوى شي مكتوب

أنتي حياتي .. ياغناتي .. وانا لك=الله خلقنا .. وللسعاده جمعنا
يمّك .. تودّيني جميع المسالك= وعندك .. في دنيا الإبتسامات ضعنا

يانوره انتي فالرخاء والمعاسير = أغلى هدايا القلب واجمل زهوره
أنشهد ان أحلى الصدف شوفتك .. مير = أخشى عليك من النفوس الغيوره
حبك قصر ، والسر مدفون في بير = وغيرك فلا ياخذ معي نصف دوره
وانتي ملكتيني بلا أي تفسير = مدري .. كذا فجأه .. أحسك ضروره
يعني إذا غبتي أبي لي معاذير = وشلون صوتك ما لفاني حضوره ؟
ولامن سمعته خدّر الروح تخدير = مخمور ، واسكر لانعشني مروره
حلمي : أطير آطير وآطير وآطير = وشلون ما ارحل للسماء لاجل نوره؟
نوره .. فداك أحلى الصبايا الغنادير = طلـّي على حبك وشوفي جذوره
شوفيه ثابت ، شامخ(ن) كنـّه النير = عالي ، وعليه احذر مجال الخطوره
أنتي مصادر دخل وأنتي جماهير = وأنتي موازين القوى والمشوره
وأنتي تجارة من حياته مخاسير = وأنتي مطر قاع(ن) شكى من دهوره
لولا الغلا ؛ ما اكتب واسجل تقارير = ولولاك ؛ شعري ما اتمنى ظهوره

أنتي هنا .. ( بين الحنايا مكانك )=وانساك !! هذي ( الفكره المستحيله )