,, قصيده أضعها بين أيديكم عسى أن ترتقي إلى ذآئقتكم ,,

..

بعاتبك وابيك تذكر لما فات = بعاتبك وشلون قلبك نساني
وأنا الذي ضحيت من دون حسرات = لجل المحبه ولجل عين الأماني
نسيت قلبٍ كان له معك وقفات = يصد عنك سيوف قاصي وداني
نسيته اللي ما ترك لك معانات = وما غبت حتى عن عيونه ثواني
يمد لك كف العطا والمسرات = ويزف لك دمه قصيد واغاني
ياما عشانك أقبل الهم بسكات = وأذل ظرفي لو بحبك عصاني
حرام أمشي لجل عينك مسآفآت = حسبي على وقتن لمثلك حدآنـي
جازيتني بالنار وبيديك جنات = هذا جزاء من له حبيبن أناني
تركتني في بحر كله متاهات = بحرن من جروحي ولوعة زماني
اكتم همومي وتذرف العين دمعات = والخل ساهي بالفرح والتهاني
عطيتك ايامي مع القلب اثبات = وشلون تقسى وتدري العمر فاني
اعتب عليك وأبلغك بالتحيات = أن كان قلبك حس تعرف مكاني

محمد الشـمراني
صــح لســانك وعلا شــانك ياالغــالي ، قصيــدة
رائعــة تقطــر عذوبــة ، لا فــضّ فــــوك ، تقبّــــل
مـروري وإعجابي وأجمـل تحيـــــــة 0



محمد الضرير