قال وشلون قلبك !! قلت في ذمة الله
قلبي مات وتكفّن !! واندفن في ثراك

يعني قلبي يهمك !! وانت دايم تذلّه
روح ربي حسيبك !! وايغفر لك خطاك

نبضي اللي يحسك جفّت عروق فلّه
صدق ما عدت اشعر بالمشاعر معاك

عقب ما كنت روحي صرت للروح علّه
تبت حبّك وتبتك !! علم قلته وجــاك

انسى انسان ذابك يوم ما كنت كلّه
يوم كان يتغنّى في قصـايد هــواك

ما انكر انّي احبّك حـب خـلٍ لخلّه
لكن الجرح ضيّع في ضلوعي غلاك

ما بقى غير دمعي استثيره واهلّه
يمكن ارتاح لحظه! لا بكيت وبكاك

خيّم الحزن فيني كنّي غادي محلّه
كل ما قلت ابرحل! قال راحــل وراك

ليش من بد غيري سيف حزني أسلّه
ليت ما كنت شاعر يحترق في رجاك

خاف من رب فوقك فك قيدي وحـلّه
ما اذكر اني ظلمتك كنت ادور رضاك

كنت لا شفت منّك يا منى الوجد زلّه
قلت ذا الذنب ذنبي كل خالـد فداك

كنت احبك مشاعر ما تبي أي أدلّه
فيه برهـان واضح غير عمري لقاك؟

الوكاد المشاعر كاس والجـرح دلـّه
قهوني من جروحك سم مبغي دواك

واترك القلب عنّك قلبي في ذمة الله
مات مات وتكفّن واندفن في ثـراك
3-12-2005

وجد الكتابه

http://ccs.jeeran.com/line%201.gif

صح كلك

وشهادتي فيك مجروحه

لكن عزائي الدائم إنك تعرف قدرك عندي :)

دمـتَ بخيــر


http://ccs.jeeran.com/line%201.gif

وجد الكتابه

ومفردة تحلق نحو آفق يتجدد بتواجدك ..

نص راقي بما يحمل من جمال الأحساس / الشعور ..

ودمت ماطراً

وجـــ ـــد الــ ــكــ ــتـــ ــابــة


أزهـــــ ــرت بــمــ ـــتـــصفــحـ ـك الـ ــحـ ــروف


فـ ـكـانــ مــ ــنــا الــ ــتــ ــصــ ـفـيق لإبـ ـداعـك


بــاقــات من الــ ــورد لــ ــكـ