ياعين زفي كامـل الشـوق زفيـه=ماعـاد باقـي للتعابـيـر حيـلـه
مهما نطقت بداخلي شـئ مخفيـه=واشلون اعبـر والمشاعـر ثقيلـه
اللي نحبه صعـب بالنطـق نوفيـه=مهما حكيت اشـواق تبقـى قليلـه
الشـوق بحـر ولالحقنـا خوافيـه=لو غصت في بحره ليالـي طويلـه
هيهات تعبيـري يخلـص واكفيـه=واوراق شعري تنتهـي مستحيلـه
الشوق نار وصعب للنـاس تطفيـه=والا تحصـل شـي ثانـي بديلـه
كنه مرض يصعب على الطب يشفيه=واللي مكذب ليـت يحضـر دليلـه
يازين مره حيـل يازيـن صافيـه=اثنينهـم خـلً يــلازم خليـلـه
اللي بعيد وحكمـة الدهـر تنفيـه=عايش بمر الشـوق ليتـه يجيلـه
واللي قريـب يقـدر الخـل يلفيـه=عايـش بصافـي ودهـم ياحليلـه
الشوق بحراً فيـه للنـاس مافيـه=صعـب تقربلـه وصعـب تجيلـه
ماهو حكايـة قنـص بـرً وترفيـه=ولا حكايـة الـف ليلـه و ليـلـه
الشوق جمرً حـق مانـي بمعفيـه=خلـى قلـوب فالخلايـق عليـلـه
والزين منـه حـق مانـي بنافيـه=مثـل المطـر لا سيرتبـه مخيلـه
ماحدً يقول الشـوق ياخـل كافيـه=انا اكتفيـت الشـوق هيـا نزيلـه
ولا يبطـل حكـي للشـوق منفيـه=تكبـر موازينـه ويكبـر حصيلـه
وانا سواة الخلـق مانـي موفيـه=تبقـى مشاعـر شوقنـا كالفتيلـه
ليـٌه وللخلـق ياعـيـن زفـيـه=ماعـاد باقـي للتعابـيـر حيـلـه