فلسفة شاعر
 

اعضاء هذا المنتدى الرائع اسمحوا لي ان اضع بين ايديكم هذه المتواضعه

اتمنى ان تحوز على رضاكم

اترككم معها



لولا الخطا ماعرفنا قيمة الصح زين
ولولا الخطا مانزلنا الارض عقب شجره

انا عرفت انني مخلوق من ماء وطين
بس الكبر في قلوب البعض يامكبره

لو كنت ابرحل ليا من شفتهم راحلين
ماكان لي شور لاشفت الخطا بشهره

مانيب من راح ثم عود بخفي حنين
احوم حومة عقاب بدرب يامخطره

احيان احس ان شعري مختفي لو يبين
واحيان احس ان شعري فيض من محبره

من فلسفة افلاطون وفلسفه داروين
عرفت بن الحياه اسرارها مبهره

يرفض شموخي عذابي من قديم السنين
لكن نفسي على ضيم الزمن مجبره

اجامل الناس واغطي الالم والانين
واذا انكسر قلب لابد الزمن يجبره

مليت من غربتي في (داري الهم) لين
اصبحت للحزن ودروب السهر مقبره

ليه اصبح الحزن فينا مختصرنا مابين
جرح(ن) قديم(ن) وثقل(ن) صعب مانقدره

شفني ياهمي احاول ابتسم بس وين
وانا اعرف ان الفرح ميت وقمت اقبره

ياللي تحسب الهيام بنضرتك خطوتين
شفني مضى لي سنين بدرب قمت اقهره

اصبر الحال والقاسي مصيره يلين
وعلى ضفاف الامل طريقنا نعبره

تكرم مداين من دروب الغلا لاجل عين
وتبكي عيون(ن) من الفرقا بدت مسهره

واذا انذكر طاري العزه وفعل اليدين
بعض العرب تنزل دموعه لفرقا مره

السالفه فلسفة شاعر بهمه حزين
وماعاد له غير حزنه لو بغى يخسره

شاعرنا / وليد بن مسعد

صح لسانك وأنا أخوك

قصيدة أكثر من رااائعة من شاعر مبدع ومتمكن

شكرا ً لك شاعرنا القدير على هذا الجمال

وفي انتظار جديدك الماتع


وتقبل فااائق تقديري واحترامي

::

ياويلي ..

من جد ابدااااااااااااااااااااع كل بيت احلى من الثاني وربي من اروع القصايد


وليد

لاتحرمنا ابداعك

إح ــترامي لك..

.

اخي العزيز

قديم الشوق

لي الشرف ان تكون اول من رد على قصيدتي


ودي وتقديري لروحك الطاهره

اختي لون الثلج

تشرفت كثيرا بمرورك الرائع

ودي وتقديري.....

دمتي كما تحبين....

وليد بن مسعد

صح لسانك على الجمال كلمات درر وابداع

ولاهنت

وتسلم يمناك

ودمت ودام حضورك الرائع

سلمت اخوي

ولاهنت على هذا الابداع

قصيده جميله من مبدع بالشعر ومتذوق لمعانيه وترتيبه الفكري الحترف

مكو اخوي ويعيك العفيه


ننتظر جديدك لاتحرمنا

اخوي ثامر تشرفت كثيرا بمرورك..

ودي وتقديري..

اختي عسافه شاكر لك مرورك الرائع

لاخلا ولا عدم...

ودي وتقديري...