منتديات منابع الأدبية - الرجال أصناف مني لذائقتكم

الرجال اصـنـاف تـتعب فـي تعددهـا تبيد
كـل صـنـفـا يـتـعـبك به عالـمـا متـشكله

ماقربـلك تكـشـفـه مير الـبـلا باللي بـعيـد
يـزرع الالـغـام ويشـاهـد حـدوث البـهـذله

لا اتـهـور ثـم تـنـدم مانبي حـمـلـك يـزيـد
ما انت لاقي من يعاون شيل حملك واحمله

الـحـديـد ان كـان ماتـقـواه دقـه بالـحديد
والـمشـاكل نـوب ماتـنـحل كـود بـمـشـكله

المواقف تكشف اللي خوته هي يوم عـيـد
وتـكـشـف الـلي رحـمـة الله ماتـبـيـها تشمله

السـعيد اللي يخاوي من يفيد ويـسـتـفـيد
والـشـقـي ويا الشـقـي من مسأله في مسأله

لا تخاوي من ترك طبعه وبـسـلـومه بـلـيـد
خــاو مـنـهو لا انـطفـى نورك يـجـيك ويشـعله

الـرجال احـوال تـتـبـدل ولا يـمـكن تـعـيد
مـن خـلـف فـي صـدق رايـك لا تـحـاول تـسـأله

صاحبك مظهرك تعرف به مثل ثوباً جـديـد
تلـبـسـه كـلـن يـشـوف ومـنـهـم الـلـي يـجـهـله

من جهل معذور لانه في زمن طبعه فـريـد
ويـن تـلـقـى مـثـل ثـوبـك قـل ذكـر الـبـسـمـله

عزتي للي يجيد ومـا يـلاقي من يـجـيـد
وفـرحـتـي لـلـي يـفـكـر مـايـفـكـر بـعـجـلـه

مايفيد الصاحب اللي مايفيـدك مايـفـيـد
خـوتـه ماتـــنــتـحمل مـدري كـيـف اتـحـمـلـه

صاحبك عارف بوضعك مايبي رسالة بريد
قبـل لا تـاقـع تـشـوف الـجـيـه الـمـسـتـعـجله

مابيدينه شيء وبظهره من الحمل الـعـتـيد
ما يـشـاور فـي مـجـيـه غـصـب غـصـبـاً تقبله

أنت عايش في زمن في طيحتك هل من مزيد
الـعـدو يـبـحـث عـن الـزلـه يـسـوي مـشـكـله

لعبت الـبالـوت لاتخالف وإذا خـالـفـت قـيـد
لو مـشـاريـعـك كـبـار تـصـيـر مـاهـي مـقـبله

أسمع الكلمه وخاو اللي مع العمر المديد
تـسـتـفـيـد ويـسـتـفـيـد إيـجـمـلـك وأجـمـلـه