كنزت من الدفا ومن الوفا ومن الحنان أطنان=تحت ذيك الجبال الراسيه من عالم أوهامي
بعد ما كنت أجازي معطي النكران بالاحسان=تجلت بالحقيقه يالمشاهد سود الاغمامي
ولا يامالكين المعرفه تكفون شيبي بان=تعبت ولالقيت اللي يفسر جملة أحلامي
ابشرح قصتي في بيت واحد وأصغوا الآذان=لحيث البيت وحده جاب في قلبي تحطامي
(من اللي يسقي الراوي وهو في موتت العطشان=ويابا لأجل يصبح بين راوين الهمج ظامي)
جفاني يوم انا لأجله سوات القفل للبيبان=ومن حوله دروع مفولذه ورصاص وحزامي
خذوا علمي ودمعات الندامه للندم عنوان=بعد ماكان حلمي للفرح في سيرة أعوامي
بقي له كلمتين بخاطري في منزل البرهان=عساها تكشف اللي منستر من ماض الأيامي
ألا يا من تبرا من مسمى كلمة الأنسان=منين بتستظل إليا رمت بك ظلة خيامي
ومن يحجب رصاص الغدر عنك ورمية النيشان=ليا فوقك تهاوت من جنوب الدهر والشامي
ومن يسمع كلامك لو توسط جلست العدوان=ومن تلقى عيونه شوفها يمك تبسامي
لك الله من بعد يخت الغرام وشاطي التحنان=غديت برملت ن قشرا عديمات التنعامي
تعبت أكتب حروفك باليمين وحبرها مابان=ولافاد بحروفك في كتابي جملة أقلامي
يجازيك الولي السامع المتكبر الرحمن=على حسن النوايا والحقيقه بحرها طامي
هدمت الحاجز اللي مايهده جملة الشجعان=ولا عد ينفك صفق الكفوف وعلكك اللامي
بعد ماكان سوقك من يسومه بالغلط ربحان=غديت بنظرتي سلعت فقر ماعاد تنسامي
هبي ياعالم الذكرى ترى تاليك للنسيان=عسى فدوة غرامك مابقى من كاسة الظامي