|
ياضيقة النفس مافيني مكفيني
قصيده متواضعه ارجو قبولها بما فيها من عيوب وارجو ان تنال شئ من استحسانكم
ياضـيقة النفـس يكفـي لاتبكينـي = روفي بحال المعنا وارحمي حالي وش لك بصاف الدموع وش لك بعيني = حتى تخلين دمع العين همالي انخاك في واجب الاجواد تكفينـي = تكفين مالك بتعذيبـي وغربالي كفي عن الهاجس العاشق وخليني = ادله النفس باسم الصاحب الغالي غرو غرامه عن الخفرات يكفيني = ما اختار قلبي سواه ولا هوا بالي غض غضيض عليه القلب مشقيني = اسرف بحالي وحط القلب مدهالي الا همس لي وهو قصده يناجيني = يقول لاتسـتمع لاقـوال عذالي قلت المحبه تغذت من شـراييني = ونبـتت بقلبٍ عليه الوقت ميالي يازين ما اقوى على فرقا المحبيني = ولاني بمن يستمع للقيل والقالي عهد المحبه عقدته بينك وبيني = لا والذي فضلك بس انت تطرا لي وياضيقة النفس مافيني مكفيني = كفي وخل المعـنا داله سالي ولكم خالص تقديري واحترامي اخوكم عبدالله العصيمي |
أولاً و الله ونعم بك يالعصيمي
ثانيـــــاً قصيـــــــده مميزه جـــــــــداً والمميز فيها إنك انت من صنعهاا يازين ما اقوى على فرقـا المحبينـي ولاني بمن يستمـع للقيـل والقالـي صح لسانك تعتبر و الله قليله يعني بأقول لك (( لسانـك يصّـح )) \ / خيّـك الصغير سـعد عبـدالله |
عبدالله العصيمي اشتقت لـ حضورك يا عبدالله سـ أُكثرُ من القراءةِ و أعود |
اقتباس:
................ عبد الله العصيمي صح لساانك مدد اين ما يحل حرفك يبدع دائما الف شكر لهذا الجمال بارك الله فيك ودمت وافيا |
.
حجز ولي عوده ان شاء الله . . |
ياضيقـة النفـس يكفـي لاتبكيـنـي روفي بحال المعنا وارحمـي حالـي وش لك بصاف الدموع وش لك بعيني حتـى تخليـن دمـع العيـن همالـي انخاك في واجـب الاجـواد تكفينـي تكفيـن مالـك بتعذيبـي وغربـالـي كفي عن الهاجس العاشـق وخلينـي ادله النفس باسـم الصاحـب الغالـي غرو غرامه عن الخفـرات يكفينـي ما اختار قلبي سواه ولا هـوا بالـي غض غضيض عليه القلـب مشقينـي اسرف بحالي وحط القلـب مدهالـي الا همس لي وهـو قصـده يناجينـي يقـول لاتستمـع لاقـوال عـذالـي قلت المحبـه تغـذت مـن شرايينـي ونبتت بقلـبٍ عليـه الوقـت ميالـي يازين ما اقوى على فرقـا المحبينـي ولاني بمن يستمـع للقيـل والقالـي عهد المحبـه عقدتـه بينـك وبينـي لا والذي فضلك بس انت تطـرا لـي وياضيقـة النفـس مافينـي مكفينـي كفـي وخـل المعنـا دالـه سالـي بيض الله وجهك كذا الشعر ولا*********************8بــــــلاش لك كل الود |
اخي عبدالله العصيمي
صح لسانك و سلم بنانك قصيدة ولا اروع تحياتي لك اختك غريبة دار |
عبدالله
مساء الورد نص جميل سلم حرفك ونبضك دمت بود |
صح لسانك وتسلم يمناك ياعبدالله
حضور متألق جدا واروع من رائع تحياتي لك ولقلمك المبدع |
صح لسانك وجاد نظمك لاهنت ولاهان راسك تحياااتي |
| الساعة الآن 04:11 AM |
Powered by vBulletin® Copyright ©2000 - 2026
