هذي حدايق الحيوانات صح ماهي حوش الحيوانات اللي عندنا
 

سراب .. آهلا بك بعد الغيبة المطولة..

حديقة جدا رائعة..

وخليها على الله الحدايق اللي عندنا .. شبك ورى شبك ورى شبك والحيوان داخل غرفة صغيرة الظاهر انا جاين نشوف سماكة السبوك هي قوية ولا لا اما صاحب المقام السامي مختبئ..

انا لمن كنت بامريكا رحت لحديقة زي كذا تقريبا الحيوانات متروكة تمشي عندك وانتِ بالسيارة..

متعة مابعدها متعة..

لدرجة انهم قبل تدخلين يعطونك آنواع الآكل للحيوانات الي بتقابلك .. وآنتِ وشطارتك عاد .

وفيه قسم آخر من الحديقة متروك لمن يريد السير على الآقدام..
ورب البيت آنو داخل المغرب ما خلصنا باقي الحديقة .. واحنا داخلين لها من عشر صباحا..


امآآآآآآ هنآآآ ندخل 4 العصر و5.30 آثارينا ميتين حررررررررر ومخلصين الحديقة من والى .. اجل حاطين لنا { دجاج} هذي حديقة بالله هذي حديقة.. اعرف انا اشوف الدجاج اذا بغيت .. مالازم تعرضونه لنا.. عاد وش ذاك الدجاج .. نص ريشه منتوف من صاحب الجلالة الديك الموقر..

سراب شكرا لك.. واعتذر لهذياني ..

اخت سراب هدي اعصابك شوي ولا تظلمين حدايقنا واصحابها لهم ضرفهم الخاصه اولا حنا مجتمع مانقدر قيمه الحيوان
ثانيا اقل من واحد بالميه بالسنه يطلع يزور حدايق الحيوان
ثالثا الطقس عندنا من يتحمله حتى الجماد مايتحمله كيف كائن حي
رابعا لاتتكلمين بشكل عام يعني بالرياض كله اعتقد مافي الا (جون ) اما شوفي الشرقيه او الجنوب تغيرين رايش
يعني هم طقسهم وجوهم يساعد وناسهم يساعدون يعني يقدرون الحيوانات مايضربونها او يخافون منها؟
والاكثر من هذا دعم من الحكومه
والاهم من هذا اعتقد انه هذه (غابه) مو حديقه واعتقد في فيلم مصري تمثل فيها اسمه (افريكانو) فيه احمد السقا ومنى زكي ارجو تقبلين وجهة نظري واسف على الاطاله واشكرش الموضوع الجميل

هلا والله بمشرفتنا سرااااب

بصرااااحة شي خطيرررر

بس كل شي يهون ألا الفيل

ياهو يطب في البطن :)

ألف شكر ياسراب مرة أخرى

وتقبلي فااائق تقديري واحترامي

سراب


هلا حبيبة قلبي

موضوع رائع وهذا ماهو جديد عليك غاليتي دائماً موضيعكِ مميزه


حديقة جدا رائعة.. مثل ماقالت أنثى الحرير .


قامت بمجهود شخصي من رجل الاعمال السعودي [الشيخ وسمي الوسمي] فالف شكر له


ولاماكان في جدة حديقة حيوانات .



يسلمووو صور رائعه يعطيك العافيه

ودي ووردي


وتقديري إحترامي

صراحة حرمت اروح حدايق الحيوان
بعد ما صار لي موقف كنت ح اروح فيها تحت ارجول الفيل

مرة كنت في حديقة الحيوان اللي في الطايف >>وعلى فكرة من جوى محولينها مدينة ملاهي >>
كنت واقفة اطالع في الفيل وهوجاي يمشي باتجاهي وكان بيننا شبك وكنت اقول في نفسي
دام فية شبك ماعلي خوف

وانا كنت اطالع فية ووهو يقترب مني
الاواسمع صياح الناس علي يقولون بعدي بعدي اركضي
في البداية ما استوعبت الوضع
لكن بعدت من الحاحهم وبعدين قالي واحد كان من العمال اني
كنت على وشك اكون تحت اقدام الفيل
لاني لو جلست لحظة مكاني كان لف الفيل خرطومة علي
وداسني وبعدما سمعت ذا الكلام انرعبت وحمدت ربي على سلامتي

راح عن بالي ان الفيل طويل وبخرطومة يطول اي شي يبية

عاد الفيل من حرتة اني فلت منة قام يشد الاعشاب اللي كنت واقفة علية وينفخها في الهوا

اسفةع الاطالة
يسلمو سراب

هلا والله -بسراااااااب الحمد لله على السلامه عوده حميده 0-

احنا حدايقنا مستغلين كل شي فيها حتي أنهم جايبين الرجل الالى وكمااان ممنوع التصوير 0