صرت أسأل دوم أسأل بي وحاتـي=عن حضورك في حياتي وش يصير
من تكوني كيف صرتي كل جهاتي=شمس عمري فرحتي كوني الكبير
من عرفتك ياهوى روحي وغناتي=صارت الدنيا بعينـي شـيَ غيـر
كل شـيً أختلـف عنـدي بذاتـي=صرتي العالـم وربـي والمصيـر
ساكنه فينـي بتعبيـري وصفاتـي=كـل معالـم ديرتـي حبـك تنيـر
لو أحاول بس أوصَف لك غلاتـي=ينقضي عمري وانا تونـي أسيـر
توفي الكلمـة لعجـزي ولسكاتـي=تقتنـع تبقـى بصـدري للأخيـر
ما أجامـل أو أبيَـن لـك حلاتـي=أو أحاول أخدعك ثـم مـن أطيـر
هي حقيقة واضحة تسكن حياتـي=مـا تزلزلهـا مواقـف أو تخيـر
في عيونك أرتمي واجمع شتاتـي=من عنا وقتي وسولف لـك فقيـر
لا تغرك ضحكتي بسمـة شفاتـي=ما تحمَلتـه وربـي مـو صغيـر
أرحميني من تناهيـدي وسهاتـي=بس قولي لي أحبـك هـو كثيـر