والله قويه يا غلا ما درينا=انك زعول وما تبينا نراضيك
فجأه جفيت وصرت مانك تبينا=واشواقنا يا صاحبي ما تداريك
شفت الوله ما بيننا مات فينا=اويمنا اصبح ملايين تشكيك
الله لنا ياللي تعزز علينا=وانه يعينك يا غلا في مساعيك
مشكور ياللي من بعاده شكينا=لو نقتبس جفواك صاحت قوافيك
يا صاحبي انت الذي ما هقينا=لو ابهوانا نتركك ما نجافيك
حبك رضا للقلب نار ٍ تجينا=ما تنطفي ما دام حال الجفا فيك
يا ظالمي احنا ترا ما نسينا=كانك نسيت اللي يقولوا هلا بيك
ما دام فينا نخوة ٍ لو رجينا=كانك تجاهلنا الليالي تصحيك
تاسرنا جمله والزعل ما بغينا=وانت الذي بالعين والرمش محميك

المشاركة الأصلية كتبت بواسطة سلطان القنيدي (المشاركة 170387) سامي احمد صح السانك نص جميل وعزفته علي المسحوب لك مودتي

المشاركة الأصلية كتبت بواسطة خالدالفهد (المشاركة 170392) صح السانك أخوي أخوي سامي

المشاركة الأصلية كتبت بواسطة لون الثلج (المشاركة 170436) : سامي.. صح لسانك ونبضك ..من جد اعجبتني كلماتك إح ــترامي لك.. .

المشاركة الأصلية كتبت بواسطة سحابة عطر (المشاركة 170438) تسلم يمناك اخوي سامي احمد قصيدة جميلة دمت بود سحابة عطر