ياغايتي ما هقيتك يوم بتخوني=والشاهد الله علي ما قلت و أبديته
امسيت اشوف البشر بالليل يمسوني=وانا وحيد ٍ سهير الليل ما أمسيته
قلبي تكدر وهلت دمعة عيوني=وأشغلتني بالهوى والدمع هليته
لا يا حلالي معك لا تخيب ظنوني=والقلب ليتك بعد ما أشقيته أشفيته
خليتك اغلى الغوالي دوم وتموني=واتعبتني في بعاد ٍ ما تمنيته
كتمت جرح الهوى والحب وشجوني=وكويتني يا غلاي وجرحك اخفيته
حتى الهنا له سويعات ٍ يطوفوني=وشلون مبدا الجفا والهجر سنيته
قالوا حبيبك جفاك وقلت خلوني=يا ليت علم الجفا من ذاك ما اوحيته
ياليتهم في عذابي ما يواسوني=وياليت طاري بعادك ما تلقيته
يامن هويته بعقل وثقل مضموني=والناس تحسدك باللي معك سويته
زادوا كدر في حياتي معك واشقوني=وحبك يجيب الشقالي ما تهقيته
يا صاح بينت لك معناي بفنوني=والقلب منّك جريح ٍ وأنت صديته
خلّك بسلم الهوى للسد ماموني=وارسل برد السلام اللي تحريته

سامي احمد

صح لسانك ولا هنت

تقبل مروري ..

المشاركة الأصلية كتبت بواسطة قديم الشوق (المشاركة 172003) سامي أحمد لله درك قصيدة رائعة من شاعر عذب شكرا ً لك من الأعماق وفي انتظار جديدك المميز وتقبل فااائق تقديري واحترامي

المشاركة الأصلية كتبت بواسطة عبدالرحمن العفاري (المشاركة 172108) سامي احمد صح لسانك ولا هنت تقبل مروري ..