رفرف يا سيدي وسيد لاعلام = واتحيتي لك عسكريه
*=*
انته وشاح وتاج واوسام = انته شرف تقدير ليه
*=*
واللي إفتخر بك صعب ينلام = انته علم دوله فتيه
*=*
تسمع بها في الصين والشام = امحيره اعقول البريه
*=*
متطوره وامديم قدام = على المراكز الاوليه
*=*
في الشّده والا صكّ لحزام = تلقى لها بصمات حيه
*=*
ما رامها الطامع ولا رام = ندفنه في حوض المنيه
*=*
ابفعلها لي ايهز لاقوام = يحسب لها مليون وميّه
*=*
مني رساله بطيب لخزام = اتفوح كنها نرجسيه
*=*
صوب المعالي الناس لاكرام = اهل النفوس اللي صخيه
*=*
آبثها من عبر لإعلام = متعذره م.الخــــارجيه
*=*
الى العدل وشؤون لاسلام = الى الوزاره التربويه
*=*
وامر بها الصحه يا لاحشام = امدققه م.الداخليه
*=*
الى الصناعه الراعي العام = للبيئه ذو صيت زكيه
*=*
الى العمل وشؤون لآنام = الى التجاره اللي أبـيه
*=*
منها تمر بكل الاقسام = واعني الشباب التنمويه
*=*
من عندهم تُرفع لمقدام = شيخٍ رقـى نجم الـثـريـه
*=*
زيزوم فيه اونعم تنسام = معروف كفّه بالعـطـيه
*=*
وان قلت بانّه صدق هَمّام = فاهوه مع الهمّه سويه
*=*
محمـد المكتوم لــي قــام = يرأس حكومتنا الوفيه
*=*
واخص مدحي شيخ ما = قبل ايتطمن ع.الرعيه
*=*
ماخذ سلوم الناس لاحشام = واكفوفه دايم هي سخيه
*=*
قابض امور الدوله باحكام = وْ فيه الكرم مافيه زيّــه
*=*
حقق لشعبه كل لاحلام = وصارت أماراتٍ قـويـه
*=*
اهوه ذرى للناس لايـتــام = حلال صـعـبـات البلـيـه
*=*
خليفه لي تشهد له لاعوام = خـلى بـلاده عـالمـيــه
*=*
والله .. فـيه اتجـف لاقـــلام = مهما مدحــنا له بقــيّه
*=*
يارب انـته بسّ علاّم = روحي لهم فدوه ..ضحيه
*=*
هذا وصلوا بمسك لخـتـام= على النبي خير البـريـه
*=*
شفّاعنا في يوم لزحام = يوم الخوي ينسى خويه
*=*
رفرف يا سيدي وسيد لاعلام = واقبل سلامي و التحيه
*=*
*=*