هذه قصيدة غزلية سبق ان القيتها في الاذاعة السعودية
في برنامج(( الخيمة الشعبية)) عند استضافتي

وكذلك طلبت مني في اللقاء الذي تم معي في التلفزيون السعودي في برنامج(( الساحة الشعبية))


ارجو ان تنال على رضاكم

الله لايجعل عزا القلب رجواك =حيثك خدعت القلب عشرين عاما
كنت احسب ان الحب يازين يبراك =واثرك تخادعني بزين الكلاما
روح بحالك وابتعد مامنعناك = شمس الضحى بانت وزال الظلاما
خدعت قلب بأول الوقت صافاك =واخذ على حفظ الموده وساما
قلبي عن الخفرات لاشك بداك = زوداًعلى حب الظمير احتراما
ياليت ابوك ابيق العهد سماك = حيثه يناسب عن جميع الاساما
مانيب انا الي يتبعك ويترجاك = طرد المقفي في حياتي حراما
هدمت قصراً داخل الروح ملفاك = وامست مبانيه الطويله احطاما
ويابنت حبي مادخل فيه شكاك = ولاخالطه سر الردى والخماما
وكنت اتمنا شوفتك واتبع ارضاك = وانته بعيني مثل بدر التماما
ولاجبت شي في محبتك يشناك = خليت لك بين العذارء مقاما
اخلصت لك والغير بالغدر وافاك =وردت روحي والعذارا حياما
وثرك عطيت الود هذا وهاذاك = تلعب على الحبلين ببلا ذماما
هذا جزا الي صافي الود كافاك = طلعت بك فالروح مرقا اشماما
تراك من خليتك دربك ابلاماك = بترتها بتر الحبل بالحساما
جاك الغرور ابتالي الوقت واعماك = واهل الحكي غروك واهل النماما
والله مابكي فقد مثلك وشرواك = لوكان جرحك داخلي ماتلاما
وان كان ماساسك عن الغدر ينهاك = حنا خلقنا الله بفضله نشاما
وانا كسبت الطيب ماهوب يخفاك = عقبك وقبلك مالحقني ملاما