قصه بكت من المحـــــــــــــــــــابر والاقلام = وانا عيوني ضخت الدمع معـها
قصه حزينه ماتجـــــــــــــــــــي لو بالاحلام = الله يعين الي هنا يستمــــــــعها
قصة عجــــــــــــــــــــــــوزٍ لام لطفالٍ ايتام = بعد وفاة الشايب الي فجــــــعها
مع انها كد جالــــــــــــــــــــــها عدة اعوام = لازال قلبي يحترق من وجـــعها
اخذت لي من بعدهـــــــــــــــــــــا ايام مانام = وشلون من قصة حياته تبعـــــها
هذي فتاةٍ عاشت ايامــــــــــــــــــــها اوهام = الوقت مدري حظها الي خدعــــها
تحلم تصير امٍ لها اعــــــــــــــــــيالٍ احشام = ولامنها كبرت ولدها نفـــــــــــعها
وتم الزواج وقالت الحــــــــــــــــــظ تو قام = يابنت نفسك تو جـــــــــاها سنعها
والله رزقها واحمـــــــــــــــــــلت بعده بعام = ومن الفرح بيت اهلــها ماوسعها
وقامت توسل للــــــــــــــــــولي سيد الانام = جعله ولد والله قبل مــــــــامنعها
ثم جا الولد واحــــــــــــلامها صارت اعلام = وقامت تداري خاطره مـــن ولعها
لضاق ضاقت وامتلت هــــــــــــــم واسقام = ويبين فيها يا إلاهــــــــي جزعها
وتبكي فرح لامـــــــــــــــــــن تبسم تبسام = ياما رقد في حضنها وكم رضعها
وتقول لو ماني عـــــــــــــلى دين الاسلام = مافطمك لو النفس جاها صرعها
اتوكله وتلبسه خــــــــــــــــــــــــير هندام = واليا لعب معهـــــــا بكفه صفعها
ثم ضمته تضحــــــــــك وهي قلبها اقسام = وتقول طفل وغلطــة الورع دعها
الصبح يكبر ثم يـــــــــــــــــــندم وينضام = لامن درى بالـصنعه الي صنعها
وانا ادري ان الاجـــــــــــــــوديه ماتنلام = والناس غـــــــيره طيبها مارفعها
وامضت جميع ايامها احـــــــــلام باحلام = وبعد كــــبر خلا العجوز وقطعها
واصبح مع الي فــــــــــكرهم صار هدام = والكارثه فــــــــي مجتمعنا زرعها
لضابطٍ نفسه ولا عرف احــــــــــــــــكام = ويوم ان نفسه شوشت مـاردعها
مجرم ولابه صار مـــــــــــــثله بالاجرام = لابوه لابو الخمعـــــــه الي خمعها
حتى اعدموه ارجــــــــال عبد الله اعدام = وهو الحــــــــقيقه عينه الي فقعها
في دارنا لايمكـــــــــــــــن تطول الاقزام = السيف الابيض كــم روسٍ قطعها
ومادام حـــــــــــــنا نعيش في ظل حكام = عدلين اجل نفسه وش الي دفعها
في ظل عبد الله وسلــــــــــــــطان لطام = ماعاش من يبغى النفوس يهلعها
وامه بعـــــــــــــد ماهو لها تاج وحزام = ماغيره احـــــدٍ في فعوله هزعها
واغمي عليها واضحت اعزومها احطام = وبغرفة الانعــاش عضة اصبعها
والحين هيكــــل بس من نفس واعضام = واهو الذي بالوضع هذا وضعها