يالحن أرجوك تسمعني تعال إقـرب أبيـك ألحيـن =أبحكيلـك صـدف صـارت عجايـب يالله ألعـانـه
أبحكيلـك عجيبـه لـو نقارنهـا بسـور الصيـن =يطيح السـور مـع صينـه وتهـدم سـاس بنيانـه
يابن عمي تـرى والله ماقلـت السالفـه تخميـن =تـرى والله يابـن عمـي خلايـا المـخ حيـرانـه
بمستشفى قوى أمن ألرياض اليـوم يـوم ألحيـن =أبـا أداوي ولكنـي جعـلـت الـحـال مرضـانـه
في حالـت جيتـي يـم ألكونتـر شفتهـا بالعيـن= بعد مابطيت أنـا واقـف جعـل عينـي ب أعيانـه
وقالت: آمر إش عندك؟ وقلت: إمراجعـه تدريـن =أنـا تعبـان مـن وحـده معـي أيضـا وتعبـانـه
عزمتـه قلـت شرفنـي تعـال إلمنتـدانـا ((؟؟)) =وشفـت ألبنـت لدتلـي وصـدت سـرع لفتـانـه
أخذت أشوي قالت: لي أخوي أنته وش إسمك مين؟ =فـي ذاك ألمنتـدى ولا أنـا مافهمـت غلطـانـه؟
وقلت: أنتي يابنت أنتي علامك تكثريـن السيـن؟ =نعم شاعر هنـاك أبـدع حـروف ألحـب هيمانـه
وقلت: إسمي بعد ( شاعر مشاعر ) كانك إتعرفين؟=وقالـت: بـس وعرفتـك وقفّـت قلـت: يافـلانـه
كذا رحتـي ولا قلتـي لـي إسمـك لازم إتقوليـن=وقالـت: آسفـه ماقـدر وشفـت البنـت خجلانـه
يالحن أليوم أنا ببدع بحرف أطغى مـن ألطاغيـن =بحرفـن يعجـز الشاعـر يجيبـه لــو بكهـانـه
بحرفن يعجـز إبصفـه لنـا حامـد مـع السكيـن =ولا شاعـر ولا شاعـر قـدر فـي صـف قيفانـه
يالبى ألعيـن مـع جسمـه يالبـى رزة ألردفيـن =يالبـى الصـوت والمبسـم كمـا ورده ورويـانـه
أنا أشهد يالحـن والله جعلنـي آفتـر أو بتويـن= بعـد ماشفتهـا والله فتحـلـي الـحـب بيبـانـه
بنـات الجامعـه والله ولـو صفـن يجـي ألفيـن =ولا مليـون لـو صفـن تبـي ترجـح بميـزانـه
بميـزان الحـلا يالله وكيـف ?أجيبهـا? ومنيـن?=أقـول: ألمختصـر مالـه شبيـه إبكـل أزمـانـه
أشـك إنـه كـذا آيـه وعبـره معجـزه للديـن =مثـل آيـة عصـى موسـى مثـل خاتـم سليمانـه
أنـا أستغفـرك ياربـي مادامـي جالـب الذنبيـن =بذنب ألي كتبـت و ذنـب شوفـت هـاذي الدانـه
عجيبه طولها يمكـن يجـي ميـه مـع السبعيـن =ليـا قفـت كمـا عـودن تثنـى بيـن أغصـانـه
ووزنه أعتقد يمكن يجـي وزنـه كـذا خمسيـن؟ =تناسـق وزنـه أو طولـه جعـل حبـي بزنـزانـه
ورمشه قام إيزولـي جيـوش إبمعركـت حطيـن =نبـال إرماحهـم رمشـه قطـع بالقلـب شريـانـه
وعينـه وسعهـا ثانـي ولايِلّقـى مـع ألحلويـن =عيون ألضبي وليا أرمش ضعـف بالقلـب خفقانـه
وحجانـه يالبـى رسـم حجانـه كمـا قوسـيـن =تعلـى العيـن جمْلّتـه يازينـه ضـمـن حجـانـه
وثغره لابتسم قدمـي فتـح فمـي مـع الساهيـن =سحرنـي نعنبـو حيـي وهـو بالقلـب سلطـانـه
وصدرن رزته رزه خلِـق ربـي ماهـو تحسيـن =كما ذيبن رفـع راسـه عـوى فـي راس ضلعانـه
وشعره أسودن ياصـل ليـا فلـه إلـى الكعبيـن=تعـدى الفخـذ والركبـه وصـل لاكعـب كرعانـه
وعمره يمكن أتوقع يجـي أربـع مـع ألعشريـن؟=صغيـرن تـوه إبسـن الشبـاب إبعطـر ريحانـه
ولو قالو: ترى الساعه تبي تضهر بعـد سنتيـن! =وعلـم الغيـب عنـد الله ماهـو للجـن وإنسانـه
ولو قالو: يبي يظهر لـك الليلـه تـرى التنيـن! =وهو من طائفـه ولّـت قرضهـا الله مـن أكوانـه
ولو قالو ترى شارون سحب جيشه من إفلسطيـن! =وخفـت حـرب بغدادالعـراق وحـرب شيشـانـه
ولو قالو: بإنه بوش ركب عيـره معـه عنزيـن! =وراح إمعقـب ألحـرّه يـزور بليـر مـع ضانـه!
بذاك ألوقت أقـول إنـه بزينـه يوجـدن ثنتيـن =وانـا مؤمـن لـه إلحالـه وقلبـي زاد ب إيمانـه
أنا مسلـم واعبـد الله أعبـد الله وأعرفـه زيـن=أعـبـد الله بتوحـيـده أعـبـد الله سبـحـانـه
ولكن أنـت يالحـن ألمشاعـر صحلـي ألغافيـن =وساعدنـي قبـل يمشـي شعيـب ألحـب وديانـه
ويجرفنـي معـه ثمّـنْ أضيّـع بيـن هالجاليـن =ياإنـه زان لـي حبـه أو إنـي مــتْ غرقـانـه
تراهـا يالحـن قلتـه هنـا فـي منتدانـا ((؟؟)) =أبيـك إتشوفهـا ليـه وحالـي هــدت أركـانـه
ترى هـاذا الصـدق والله ولاجبتـه كـذا تخميـن=حقيقـه معجـزه صـارت تجـر ألحـرف بألحانـه

(؟؟؟) أسم المنتدى أحــتراما للقــوانين لم أذكــر اسمه ..