ما هقيت انك تعكّر لي صفاااي=وانت بعيوني سبايب فَرحته
ما بكاااك الودّ لكنّه خفاااي=بيّح الزفراااات / وادمى طَرحته
شوفني أمشي ويجرحني وفاااي=أرتبك أحياااان وتِلهب قَرحته
عن شتاءك ودّي يسعفني دفاااي=يا فرَح أمسى دوااااع لَترحته

كيف صدقت الحكي فيني وانَا=ما أصدّق فيك لو يحكوا جميع
حافظك داخل عيوني عن عَنا=عن عنا الأيام والوضع المريع
يا رفيق الدرب لو شاع الطَنا= سِرّنا سرّ ٍ / ولا يطرى أذيع
أرتسم لك ودّ / واحكي عن هَنا=وأرسم البسمه / ولو حالي شنيع
يا حضوور ٍ وأعترف إنه سَنا=في شباب العمر / واهداني ربيع
ما جنا غيره بعيني ما جَنا=المقام اللي غدى بعيني رفيع
فيك ذووق ٍ طاغي ٍ ياهو بَنا=داخلي اشياء / تقراها تضيع
لأن أبسطها قراني من أنَا=(مشتريك بصدق / عيّا لا يبيع)

ما أبي أكسب غلااااك بدمعتين=ولا أبي تلقى حروفي به وجع
خلّني بس احترق / بكرا يبين=في حروفي والمعاني والسجع
أدفنك يا جرح بالصمت اللعين=لو خفوقي من تصاريفه فجع
بس أذكر في غيابي حاجتين=(قلبي الأبيض) و ( حلم انه رجع)