كم مرة قلت اكتب الشعر واهجيك = أكتب ويطلع شعري انغام واعذار
لو اكتب احروف الهجاء ما تعاديك= ترجع وتكتب فيك زينات الأشعار
ولو يكتب العالم حروف الهجاء فيك = كتبت لك شعري من ورود وأزهار
اكتب من الأشعار شعرٍ يجاريك = واكتب من احروف الغلا معك ماحتار
قلبك واعرفه للمعالي يقديك = ابيض ولا يحقد مثل ظل الأشجار
انت اللذي يا سيدي جيت اهنيـك = وانت اللذي لك داخل القلب مقدار
وانت اللذي عنونت حبك لغاليك = حبٌ وصل للشمس من بعد الأقمار
ما هو مثل حب العرب فيه تشكيك = يضحك بسنه لكن القلب غدار
شريت حبك يوم قلبي يناديك = وقلبك شرى قلبي وقلبي معك دار
هذا كلام اللي من الروح يغليك = هذا كلام الحب لا طاف الأسوار
يا علني ( ...... ) في يوم ما ابكيك = وياعل يومي قبل يومك ليا زار