|
عندك وايت للبيع ؟؟
السلام عليكم ورحمة الله وبركاته من الايميل .... الشايب والوايت يسولفون عن شايب نوى يشتري له وايت علشان يسقي الحلال , وذالشايب متقاعد وشاريله رعية غنم وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال فقام و توكل على الله وعزم يروح يدور له وايت. صدفه و هو يمشي إلا ذيك الناس مجتمعة في أرض فضاء كبيرة ولآَ حولهم وايت واقف. عجب خوينا الشايب نظر هالوايت وهو ماشاء الله يبرق من بعيد ووقفته شي عجيب , قال بس لقيناه خلني اروح أوصلهم وأشوف كم هو واصل سومه و إذا هم حادينه اشوف كم هو عليه. وصل عندهم الشايب ووقف يسمعهم يحرجون , وأستانس بالحيل لأنه ماهو بغالي. ولا ذاك الرجال ماسك الميكروفون ويحرج 50,,52,,55,,ومن قال زود , قال الشايب بس شكلهم يحرجون على الوايت ولا هوب بغالي وإن شاء الله يكون من نصيبي. وخش معهم بالحراج ,,,56,,,ويزودون...ويزود...ويزودون...ويزود. المهم وصلوه 75,,,قام خربها وقالهم ,,,80 هو قالهم ,,80,,يوم طخوا كلهم و سكتوا..!..وهجدوا..!!..والتفتوا عليه!!! يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك بمليون ريال ذالحين ,,ذالحزه بس مانشوف وجهك واقف معنا بالحراج . انصدم الشايب ..أفتر راسه شوي وقال هااااا..وش السالفة..؟؟؟ مليون ريال ..وليه..؟؟ قال له الرجال (خويهم) بس خذ هالشيك وتوكل على الله والله يستر عليك ولالك بالطبخه. وش اسمك ؟؟. عطاه أسمه وكتب له الشيك بمليون ريال وصرف الرجال من الحراج وهو مايدري وش السالفه!!!. طيب وش العلم علمني ..؟؟ علمه بالعلم. أثر ذا الجماعة يحرجون على المخطط وواقفين بالصدفة جمب الوايت اللي جايبينه يرشون به الأرض علشان يحرجون. والحراج من اليوم بــ 56 مليون و 75 مليون..وابو الشباب (الشايب) خش عليهم عرض ولايدري وش العلم. وهم بعد أخترشوا شوي يحسبونه هامور وبيلطش عليهم المخطط ..قاموا صرفوه بمليون ريال.. وهو ماصدق. طاير من الفرحه,,مليون,,ويقول بخاطره عجزت وأنا اجمع خمسة وثمانين ألف ويجيني ذا الرزق من الله فسبحان الله مقسم الأرزاق على عباده. الرزق مثل الأجل يتبعك ****** الله يرزقنا بمخطط بالغلط http://www.arwqah.com/vb/images/smilies/sma/sm142.gif ماحولكم وايت للبيع http://www.arwqah.com/vb/images/smilies/sma/biggrin.gif هههههههههه.... |
هههههههههههههههههههههههههههههه
تبين وايت ياسراااب تراه موجود بس يدك على مليون ريال :) سبحان الله العظيم فعلا ً الأرزاق بيد الله والله تعالى يرزق من يشااء بغير حساب {وَمَن يَتَّقِ اللَّهَ يَجْعَل لَّهُ مَخْرَجاً وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً } الف شكر اختي الكريمة / سراب على هذا الموضوع الجميل والمميز وتقبلي فاائق تقديري واحترامي |
هههههههاااي
يعطيك العاااافيه أشكرك على هذا الموضوع الراااااااااائع |
ههههههههههههههههههههههههه يعطيك الف عاااااااااافيه على الموضوع الرااااااااائع 0
|
هههههههههههههههه
سبحان الرزاق اللي رزقة شكلة داعيلة احد انة يرزقة منحيث لا يحتسب هذا المليون احسن من مصباح علاء الدين اللي يحلمون فية الكثيريين خخخخخخ يسلمو يا عسل:148: |
:
اجل بحووس عند هالمخططات واشوووف هههههه الله رزقه وهو مايدري .. يعطيك مليون الف عافيه سرااب.. . |
لاهنتي ياسراب على هالقصة حظه زين طاح في اجواد بس أخاف أطيح في أنذال يفضحون بي ثم يطردوني :nunu: :111: |
ههههههههههههههههههههههههههههههههه
سراب ديانه ماتمشي اخف من الوايت هههههههههههههههههههه الله مقسم الارزاق سبحان الله العظيم مشكوره ولاهنتي |
| الساعة الآن 12:37 PM |
Powered by vBulletin® Copyright ©2000 - 2026
