منتديات منابع الأدبية - تموت الليالي ببردها..

منتديات منابع الأدبية (http://www.manab3.com/vb/index.php)

- منابع دُرر آلقصـــيد والموروث الشعبي (http://www.manab3.com/vb/forumdisplay.php?f=7)

- - تموت الليالي ببردها.. (http://www.manab3.com/vb/showthread.php?t=13926)

تموت الليالي ببردها..

في زمان كنه البرد .. شبيت القصيد
قلت ابدفا والليالي تموت ببردها

في طريق كنه الموت والحالي وحيد
قلت ابحيا والمنايا تبوح بسدها

أتقارب هقوة العمر لو كانت بعيد
واتغني بالمقابيل واخطب ودها

لاقديم الجرح يقوى ولاجرح الجديد
يخلف الناس العزيزه عن اللي ودها

والله اني ماتنازل .. لي رايٍ عنيد
لين أداعب غرة الشمس ..والثم خذها

وانزفي ياوردة الشعر .. من دم الوريد
لاتجفي في عروقٍ .. تراجف يدها

ياقصيدي كان الأشعار سادات وعبيد
والله انك من بحور ..غريبٍ جدها

ماتقاود مهرة الحرف للقلب البليد
ياقصيدي خذ رسنها ..وخلك قدها

في طريق كنه الخوف سليت القصيد
قلت ابحيا والليالي تموت ببردها

الشاعر / مساعد الرشيدي..

قناديل شرقية

صح احساسك على هل العذبه وصح لسان شاعرها

انتقاء مميز يالغلا يسلمووو

لاقديم الجرح يقوى ولاجرح الجديد
يخلف الناس العزيزه عن اللي ودها

قناديل شرقية

يسلم ذوقك ياغالية

لاتحرمينا من تواصلك الجميل