ياطـيـر رفّ الجـنـاح وفـــارق الـديــره
لاواهـنـيْــك لــيــا قـفّـيــت مـتـسـامــي
ماهـوبـ.. مثلـي حبيـس الهـم والغيـره
مابين نزف القصيد .. وجرحي الدامي
أنـوح نـوح الحمـام ان مــرْت السـيـره
مـيـر الـبـلا رميـتـن جـتـنـي بـلارامــي
فـي وسـط قلبـي علـى ماصابنـي نيـره
وقودها من ضلوع الصـدر واعضامـي
الله واكـبـر عـلـى الـشـكـات والـحـيـره
مـن ويـن اســوق الـقـدم تـمـر قـدامـي
لكـن عساهـا يبـو وجهيـن لــي خـيـره
وانـا عليهـا مضيـت اِبّصّـمـة ابهـامـي
ولاني بجاهـل حقـوق القـرب والجيـره
لاشـك هـذي دواهـا قطـع الارحامـي.!!
خـمّـن وتلـقـى مــع العـربـان تشفـيـره
واِعرف من اللي بدى تشفير الارقامـي
لاماقـضـيـت الـحـيـاه بـــدق تـآشـيــره
محرم من السيـل لـو ماطفـت بحرامـي
عشـت الحيـاه التعيسـه شبـه تصبيـره
واخذت درس(ن) جزاه الصبر وايلامي
واطيـب مـن الـدرس تهليلـه وتكبـيـره
مـن منطلـق ربطهـا بالديـن الاسلامـي
ماللـشـكـاوي مـجــال ولابـهــا عـيــره
دام الـهـدف لابخصـنـا غايـتـه سـامـي
وبكسـر خاطـر تــرى ماتفـيـد تجبـيـره
ماينـجـبـر خـابــره حـتــى بـالاحـلامـي
للـطـيـب بـيْــاع لـكــن دون تـسـعـيـره
والـنـاس قـالـوا لـنـا مـاطـاب مـادامـي


بدرالهبيري