|
خيرك لغيري / الأمير عبدالله الفيصل
إخواني وأخواتي : حيـن يكتب صاحب السمو الملكي الأميــر/ عبدالله الفيصــل رحمه الله تعالى في النبطي تجــــد البساطة المتناهية وجمال التصويروجزالة اللفظ وقوّة المعنى وبلا تكلّف كأمثال هذه الرائعـة : أنـــا بـلـيـت بحـبـكـم مــــن هـبـالــي = وإلاّ انت ظـل(ن) مـا لنـا فيـه مقيـال خيـرك لغـيـري والشـقـا والعـنـا لــي = والمشكل إني عارف(ن) كل الاحـوال أرمـي بروحـي فــي بـحـرك الـزلالـي = وتنسفني أمواجك على يابـس الجـال اسـأل فراشـي كيـف اقـضّـي الليـالـي = بالليل لي حال(ن) ومعكم لـي احـوال ومـن خوفـي الـعـذّال تــدري بحـالـي = ويكثـر علـي مـن العـذل قيـل والقـال أبـعــدت خـلاّنــي وجـيـتــك لـحـالــي = وفرشـت لـك قلبـي مقـر(ن) ومدهـال ويـوم أبعـدن ا حبالهـم عــن حبـالـي = ودريــت إنــك عنـدنـا غـالـي الـمــال أبديت عقب الحـب صافـي الجفـا لـي = وخلّيتنـي محتـار فـي أشـهـب الــلال وطلبت رب(ن) عالم(ن) ما جرى لي = ما حطّ دون الخلـق حاجـب ومرسـال ومنحـنـي السـلـوان عـالـي الجـلالـي = ورَد الحياة لسايل(ن) مـا طلـب مـال وابعـد خيـالـك خالـقـي عــن خيـالـي = وقصّر عليّ الليل من عقـب مـا طـال واليـوم ترسـل لـي وتبـدى الوفـا لـي = تبدي لي أعذار(ن) قصيـرات وطـوال تبـي تجـدّد مـا انقطـع مــن وصـالـي = ترضي غرورك بس ياحسـن الاقبـال مـا عـاد تخدعنـي عـقـب مــا بـدالـي = وان عـدت فيمـا عفـت مانيـب رجّـال |
رحم الله شاعرنا عبدالله الفيصل اللي ورث لنا مثل هالقصايد الجميله
يعطيك العافيه اخوي محمد الضرير ع النقل لاهنت ياخوي |
|
محمد الضرير
مشكور ع الاختيار الرائع لقصيد ة الشاعر المحروم وهي من اروع ما قالة رحمة اللة يسلمو |
الله يرحم شاعرنا العملاق
لاهنت اخوي على نقل هذه القصيده الجميله التي تستحق القراءه فعلاً |
سلمت يداك على النقل
ابيات رائعه تستحق الوقوف يعطيك العافية
|
اقتباس:
الله يعـافيـك أختي ســحابة عطـر إطلالتــك هي الأجمــل ، ألف شكر وألف تحيّــة محمد الضرير |
اقتباس:
شــوق البــراري وأنتِ كــذلك ، شكراً لكرم مرورك مع التحيّــــــــة 0 محمد الضرير |
| الساعة الآن 04:24 PM |
Powered by vBulletin® Copyright ©2000 - 2026
