سالفة عشاق
 

من بغى الفرقا لقـى لـه عـذر واسبـاب ودليـل
خل عنـك العـذر والاسبـاب دام الحـب ضـاع

كان ودك بالفراق .. ابشر عسى عمـرك طويـل
لاتـردد وانـت لـك كلمـه ولـك امـر ٍ مطـاع

لـي عليـك انّـك تبّـت بكلمـة ٍ تشفـي الغليـل
ولك عليّ انـي لأوّقـف وقفـة الرجـل الشجـاع

لاتجاملني مخافة ( قال ) مـدري خـوف ( قيـل )
عمر ( هرج النـاس ) مايسمـن ولايغنـي جيـاع

كان قصدك ( سر حبك ) .. اوعدك لأصبح بخيـل
واحمل اسرارك معي للمـوووت قـدر المستطـاع

بس قلها ... قل ما احبك ... وابشر بصبر ٍ جميل
لاتحسب أني مثل مـن طبعهـم لـوي الـذراع !

صاحبـك ماهـو كـذا ياصاحـب القـد النحـيـل
صاحبـك طبعـه غريـب وغربتـه غربـه طبـاع

في الهـوى مايقبـل الحـل الوسـط ولا القليـل
مثل ماهو لاشـرى يشـري .. ليامـن بـاع بـاع

ثابت ٍ لو هـي تميـل الارض حـدره ... مايميـل
يـدري ان الفقـر ماهـو عيـب والدنيـا مـتـاع

ماعشـق لـذّة حياتـه كثـر عشـق المستحـيـل
ولا كـره حتـى مماتـه كثـر كـره الأنصيـاع

كم تعلّم مـن شديـد البـدو وش معنـى الرحيـل
وكم تعلّم من غروب الشمـس وش معنـى الـوداع

وكم تعلّم من سحاب الصيف وش معنـى الحصيـل
وكم تعلّم من ليـال البـرد وش معنـى الضيـاع

ايه انا هذا طريقي ( موحش .. وصعب .. وطويل )
وانت لامنـك تعبـت .. العالـم فجوجـه وسـاع

اعتبرنـي فـي بدايـة سكّـتـك عـابـر سبـيـل
و رح وانا قلبي معك من ويـن وجّهـت الشـراع

يكفي اني لاانذكرت فـي سالفـة عشّـاق .. قيـل :
عاشر احبابه شجـاع .. وفـارق احبابـه شجـاع



للشاعر فهد المساعد

روعه روعه روعه
مبدع الشاعر فهد المساعد
صح السانه مليوووون
والف شكر لك اختي عسافه ع النقل
يعطيك العافيه

سحابة عطر

صح بدنك غاليتي والف شكر على الاطلاله الرائعه

ودي ووردي

اختي الكريمة عسافة
اختيار رائع وموفق
جميلة هذه القصيده وموجعه
شكرا لكك غاليتي وفي انتظار جديدك لاعدمناك

عبير الشرقية

الف شكر على روعة التواجد

ودي ووردي

أميرة الشوق

الله يسلمك يالغلا والف شكر على روعه المرور

وردي

القديرة / عسافه

أختيار يدلُ على رقي وجمال ذوقكِ

كلمات ..! ومعاني جداً جميله

قالها رجل شجاع

صح لسان قايلها وسلم ناقلها

ربي لايحرمنا من جديدك


لكِ تقديري واحترامي .

مشرفنا الرائع ومميز / بقايا عاشق
الله يسلمك أخوي
والف شكر على المرور العبق الرائع والانيق
ودمت بخير ولك خالص تقديري