نشدت رسوم فيحات الريادي= علامتس قد تعفرتس الحفادي
وكررت السؤال ولا اجابت= وهل ينطق الا نشد الجمادي
ولاكن شوفها جدد صوابي = ونقض جرح بسويدا الفوادي
وفيها اخيل اقطان ومرابع=عليها بيوت قومي والنوادي
وجيت الربع واثر الربع خالي= من الازوال وعموم البوادي
فكم يصوحبي دجنا بقاعه= وكم سجيت في ذيك البلادي
وكم سقت القدم باطراف دوه= من النقيان الا حد الحمادي
الا من الحيا امطر فياضه=كساها من الحلل زهرن وكادي
وتوحي صوت راعبها وقطاها=يغني كل ما هب البرادي
وذيبان الغضى تعوي وتقنب=على المشراف وبروس المبادي
ترى وحش الوضيحي في الروابي=معا والريم في الهضب البعادي
وحسكات الوبر من كل ذودن=عواليها عليها الشحم زادي
عجب يا هالوطر هل منه عينة= وهل يرجع عقب ما صار غادي
تغير وقتنا التالي وصير= نفوس الخلق اغلبها حسادي
زمان التال كلن حب روحه=وغيره لو يضيع يقول عادي
ومبدا غاية تبرر وسيلة=تشيخ في مباديّه وسادي
تناسى او نسى انه محاسب= بيوم الحشر في وقت المعادي
فلا ينفعه ماله او بنينه= اذا بالخير ما جمع حصادي
فكلن يا بشر مثل وسواسي= امام الله خلاق العبادي
ومن جنى خيرن فطاب حظه=توقى نار تسعر باتقادي
ومن سعى بالشر خاب سعيه=هوى في شر اعماله وكادِ
والا يصويحبي خذها نصيحة= تلاحق ما بقى قبل النفادي
وختم القيل ياغفار عفوك = اذا مالنفس جانبها السدادي

شاعرنا / عبدالله النعيمي

صح لسانك وأنا أخوك

قصيدة رااائعة من شاعر مبدع ومميز

فقط لي ملحوظة على الشطر الثاني من هذا البيت :

وكـررت السـؤال ولا اجابـت
وهل ينطـق الا نشـد الجمـادي

فهو لم ينضبط معي كوزن فآمل منك تشكيله بالحركات

شكرا ً لك على هذا الإبداع

وتقبل فاائق تقديري واحترامي