منتديات منابع الأدبية - أنا ما أبيك تسألني ,, تكفى أبيك تفهمني

http://i176.photobucket.com/albums/w...g?t=1202567162

أنا ما أبيك تسألني ,, تكفى أبيك تفهمني ..
...أنا ما فيني شي...

جوابي العادي لسؤالك المعتاد...
تبي تعرف اش اللي فيني...

أوقف معي لحظة...وحاول تكتب معي..على سطور الورق..وبحروف من حبر القلم...

أكتب في أول السطر أو حتى في آخر السطر..
أنا ما فيني شي..

أنا مو بيقتلني الندم علي قول الحقيقة ..أنا كلي آهات

أنا في نهاري..
جروح قلبي تصاحبني..
وفي ليلي..
الوحدة تلازمني..

أنا ما فيني شي...بس أبي كل شي..أبي إنسان يفهمني...يستوعب مدى قلبي..

ويمحي بلمسة أثر همي..
أبي إنسان يحكمني..من راسي لأقدامي..

أبي حضنه يدفيني...كل ما نزلت دمعة من عيني...أبي عينه تناظرني...وحرارة شوقه تحرقني..
وأحس إني أمل روحه...ودمه اللي بعروقه..
وإني كل ما كان من عمره..وحلمه اللي عايشٍ لأجله..
وأحس إني عالمه كله..

وأقرب له من شرايينه..
وأكثر حتى من نبض قلبه..

أبيه يحبني لذاتي..ويعشق حتى نظراتي..
ويموت..يموت بهمساتي..أبي لا جيت له أمشي..يجري شوقه يحضني..ويسابقه حبه..

بعد كل هذا تسألني..اش فيني..؟!!أنا ما أبيك تسألني...أنا أبيك تفهمني..

تعبـــــــــــــــــــــت..
تعبت من الأسئلة..وتعبت أكثر من تكرار الأجوبة..

أنا ما أبي أسمع إلا كلمة...
كلمة ترد الروح فيني..وتنسيني جروحي..

أنا ما فيني شــــــــي..بس أبيك تحسسني بكل شي..
ولا ننهي المسـأله انا انساكـ وتنساني

ممــ رآق لي ـــآ