منتديات منابع الأدبية - مذكرآت طآآآلب عتيبي...........فله.,,,,,,,,

بإذن الله , وبإذن الواحد الأحد
إني هالصيفيه بغادر الجامعه للأبدhttp://www.7la2.com/vb/images/smilies2/0185.gif ( ولا أستغني عن دعائكم , تراي مسلم )

مدري ليش محد مستوعب http://www.7la2.com/vb/images/smilies2/0113.gif
إني بصير معلم صعوبات تعلم

( الطموح كان عسكريه , بس تأكدت إني ممنوع منها حتى عام 1431 هـ )

يعني اشيل النجمه من راسي للأبد http://www.7la2.com/vb/images/smilies2/0185.gif

قبل مهنة المعلم , وإن مقامي من مقام الرسل
لأني شخص أحمل رساله

محد كان مستوعب ومصدق
إني أكون طالب جامعي http://www.7la2.com/vb/images/smilies/hw1.gif

رغم إني تعودت على النجاح بدرجة ممتاز

(( هذي نسبتي في ثالث ثانوي ))
7
7
7

96,20

http://up.arab-x.com/Feb10/aSf54003.jpg

بذكر لكم مواقف لي
يوم كنت طالب في المدارس
( والله حقيقه ولو غلفتها بالخيال لتمشي عالكل
لكن مشكلتي أحب الماضي كثير وأعتز فيه )

أيام ثالث متوسط
كنا في مدرسه مستأجره
ونقلونا لمبني حكومي

بعد فتره من الدراسه

جانا ظابط من الدفاع المدني
ومعه كم جندي

عشان يشرحون لنا طريقة الإخلاء
وقت نشوب الحريق

شرحو لنا الطريقه وكيف نطلع بإنتظام من الفصول
بقيادة المعلمين

جاء وقت التنفيذ

رحنا للفصول
ودق جرس الإنذار

وطلعو كل الطلاب

إلا

أنا وطالب اسمه ناصر محمد
( الله يذكره بالخير كنا مع بعض دايم )http://www.7la2.com/vb/images/smilies2/0185.gif

انتظرنا لين طلعو كل الطلاب من الدور
الثالث ونزلو تحت

طلعنا من الفصل

وفتحت الصندوق اللي فيه الخرطوم
حق المويه http://www.7la2.com/vb/images/smilies/biggrin.gif

وسحبته لين وصلت للجدار
اللي يطل عالساحه

وقلت: فك المويه يبو محمد http://www.7la2.com/vb/images/smilies2/031.gif

وفتح المويه
وكنت ماسك الخرطوم
وارش المويه على الساحه
( غرقت الطلاب والمدرسين والظابط )http://www.7la2.com/vb/images/smilies2/0185.gif

وناصر يزيد فتح المويه
والخرطوم مره يحذفني يمين ومره يسار
لين طار من يدي وجلس يرش في الدور الثالث
http://www.7la2.com/vb/images/smilies2/0185.gif http://www.7la2.com/vb/images/smilies2/0185.gif

المهم

إنهم مسكونا ودخلونا مكتب المدير http://www.7la2.com/vb/images/smilies/fhhy.bmp

قال : وش تبي انت وياه بخرطوم المويه
ليش مانفذتو اللي قالوه لكم

قلت : يبن الحلال حنا عتابه
لاشبت النار نطفيها ما ننحاش
( من يومي وأنا مهايطي ) http://www.7la2.com/vb/images/smilies2/0185.gif

لا تسئلون وش صار فينا

تعهد , إستدعاء ولي أمر , توقيف اسبوع عند مكتب المدير ,http://www.saarm.com/vb/images/smilies/12528397308.gif
جلد بعد الطابور قدام كل الطلاب

(( الموقف الثاني ))

كنت موقف عند مكتب الوكيل
( اليوم الدراسي كله يروح وانا موقف برا
بالكثير ادرس 3 حصص باليوم )http://www.saarm.com/vb/images/smilies/icon1611.gif

وكان فيه سوداني طالب اسمه معتز
جالس عند مكتب المرشد
ورحت له

واللي فهمته منه إن بطنه يعوره http://www.7la2.com/vb/images/smilies/65.gif
ويبي يستأذن عشان يطلع
والمرشد قال له : أنتظر برا شوي

أنا جلست أسولف مع السوداني

كان جالس على الكراسي
وأنا واقف وحاط رجلي على الكرسي
ومثبت يدي من فوقه على الجدار
>> واقف وقفت عربجي

وأنا أتكلم معه
جت يدي على طفاية الحريق

قلت: تتحداني ارش عليك البودره http://www.7la2.com/vb/images/smilies2/0113.gif

قال : لا أنا مريض

( أنا أستهبل وعلى بالي إن الطفايه
صمام الأمان فيها ) http://www.7la2.com/vb/images/smilies2/067.gif

يوم ضغطت عليها
وهي ترش على الزول http://www.saarm.com/vb/images/smilies/12528403382.gif

أنا إنكتمت وجلست أكحكح
والزول طاح عالكراسي وإنصرع http://www.7la2.com/vb/images/smilies/hw1.gif

والمرشد والمدير
يهفون بشماغهم عالزول
وأنا مطنشيني محد معبرني http://www.saarm.com/vb/images/smilies/12528403382.gif

وشالوه للمستوصف

ودقو عالشرطه ورحت للقسم
( كبرو السالفه وهي صغيره )http://www.saarm.com/vb/images/smilies/12528397308.gif

وجاء أبوي وبحب خشوم مع أبو الزول
سامحوني وتنازلو عني
ورحت لبيتنا http://www.saarm.com/vb/images/smilies/rolleyes.gif

في اليوم الثاني

حضرت بالطابور وطلعوني على طول
لمكتب المديرhttp://www.saarm.com/vb/images/smilies/12528395014.gif

وماكان مصدق اني طلعت
يبيني انسجن ويفتك مني
( والله العظيم هالمدير ماينسى اسمي لين يموت )
http://www.saarm.com/vb/images/smilies/devil2.gif

اللي قهرني

إنهم ماصدقوني يوم
قلت: إني طفاية الحريق خربانه وصمامها مسحوب
ولا توقعت انها بترش علي أنا والزول

والزول النذل
قال: إني هددته قبل ارش عليه http://www.saarm.com/vb/images/smilies/0107.gif

وصارت التهمه لابستني
وجاب ابوي للمدرسه طفايه جديده
بدل اللي يقولون : إني أتلفتها

(( الموقف الثالث ))

تذكرون شركة المراعي
أول مانزلو عصيرات المراعي http://www.saarm.com/vb/images/smilies/125283973010.gif

كانو يسوون محاضرات بالمدارس

ذاك اليوم كانو عندنا
بالمدرسه

وحاطينا بالساحه وجالسين على الفرشات
وحقين المراعي يلقون علينا محاضره

كنت في أخر صف
مطنش المحاضره وجالس اسولف واستهبل

ومسكني واحد من المدرسين
وحطني بالصف الأول
قدام الطاوله والكرسي اللي جالسين
عليها حقين المراعي والمدير
( وتندمو ذاك اليوم إنهم جابوني من الصف الأخير ) http://www.7la2.com/vb/images/smilies/dance9bh.gif

المهم

خلصو حقين المراعي من المحاضره
وفتحو باب الأسئله

ولا أحد من الطلاب تكرم وسئلهم سؤال

رفعت يدي

قالو : تعال وتكلم بالميكرفون
عشان الجميع يسمع سؤالك

المدير وقسم بالله إني مانسيت شكله
عيونه طايره كنه داري إني بجيب فضيحه جديده له http://www.7la2.com/vb/images/smilies2/067.gif

أخذت الميكرفون
ماكان في راسي أي سؤال ,
ولا لي أي نيه أستهبل

( بس جني اللكاعه جاني , وخربتها ) http://www.7la2.com/vb/images/smilies/hw1.gif

قلت فيما معناه
( مااذكر كلامي بالظبط )

قلت: الحين أنتم شركه كل اللي عندكم بقر
شلون هالبقر تحلبونها , وتجيب عصير برتقال وفراوله ,
بقر جديده ذي ماعمري سمعت فيها http://www.7la2.com/vb/images/smilies2/0113.gif

أقسم بالله
بعدها ماسمعت غير الضحك
في كل مكان بالساحه هــــــــــــــــــــــــــــع

http://www.saarm.com/vb/images/smilies/74nnn.gif

طبعاً كانت هي القشه اللي قصمت ظهر البعير
وكانت أخر أيامي في متوسطة الغزالي

لأني طردت من المدرسه مع أوسع أبوابها
وكملت ثالث متوسط في حي النسيم

مرحلة الثانوي

أجبرتني الظروف أكون بالقصيم http://www.saarm.com/vb/images/smilies/12528397308.gif
صح إني سربوت ودايم بايعها
بس فينيحس المسئوليه

ماكان عندي ولي أمر بالقصيم

وإنجبرت ما أسبب مشاكل
عشان مايجي أبوي أو أخوي
ويمشون 360 كيلو من الرياض للقصيم
عشان يوقعون تعهد

كنت مؤدب وشخص ثاني
( مع مشاكل ومضاربات خفيفه )

http://www.saarm.com/vb/images/smili...b92bdee06b.gif

المواقف كثيره لي بالمدارس
وبالذات داخل الفصول

أختصرها / يومي كله واقف عند مكتب المدير ,
كل اسبوع أوقع تعهد , لازم بالأسبوع أنجلد قدام كل الطلاب
( صار عندي مناعه من الضرب ومتعود عليها )

ومستحيل أقابل أي طالب
يذكرني أيام المتوسط
ويدري إني دخلت الجامعه
بدون مايستغرب ويذكرني بالماضي

مع ذلك مازلت أقول /

لو كانت جميع الدرجات
على الإختبارات فقط , بدون مشاركه وواجبات

ماراح أكتفي بنجاح بدرجة ممتاز

راح أجيب 100 من 100

بس دايم المشاركه والمواظبه والسلوك
تحرمني منها http://www.saarm.com/vb/images/smilies/808967442.gif

(( المرحله الجامعيه ))

حياتي بالجامعه تختلف 180 درجه
عن المدارس

شخصيتي بالجامعه تختلف عن البيت
والشارع

سبحان الله ماهضمت الجامعه
من أول يوم دخلتها http://www.saarm.com/vb/images/smilies/48_483.gif

أدخل القاعه بمذكره , وعلبة مويه

دايم مكاني بأخر صف يمين
رجل على رجل , متكتف
راسي عالجدار , مشخص ملكي .
ومرجع العقال ورى http://www.7la2.com/vb/images/smilies/biggrin.gif

( كني شخص في عزاء موب جامعه )

في الجامعه إعتبارات كثيره /

الإختبار مايكفي للنجاح
ولا يوصلك لأفضل المعدلات

عروض البويربوينت , مشاركه , حضور ,
معرفة الدكتور
كلها أهم من الإختبار

عشان كذا شي طبيعي
إني معدلي مايكون 5 من 5

وشي طبيعي إن دفعتي
صارو مدرسين وأنا مازلت طالب جامعي

( خلوها إختبارات بس وأتخرج بإمتياز ) http://www.7la2.com/vb/images/smilies2/0185.gif

بقول لكم سر لأحد يدري عنه /

مسموح لكل طالب غياب بنسبة 25%

أنا أول شهر مستحيل أدرس
الغياب أخلص عليه ثم أحضر
( من جد إنسان ماهضمت الجامعه ) http://www.7la2.com/vb/images/smilies/biggrin.gif

بطرح لكم معدلي
ولا راح أخاف من حسد ولا عين
>> بالله بيحسدونك على وش http://www.saarm.com/vb/images/smilies/icon1611.gif

ماراح أخجل من معدلي
وحذف الأترام , وحمل المواد
( حملت 5 مواد وحذفت ترمين )

لأنها /

لو كانت إختبارات بس
والله محد يسيقني http://www.7la2.com/vb/images/smilies2/031.gif

2,73 http://www.7la2.com/vb/images/smilies2/0185.gif

يالله لك الحمد الأهم
إنها شهاده

سؤال للفائده /

وش بستفيد من مقررات السلم ؟

وش بتفيدني فيه تقسيم الغنائم
والطلاق والبينونه الصغرى والكبرى

وش بتفيدني فيه مقررات النجم ؟

معقوله بتكلم انقليزي
مع طلاب ثالث وثاني ابتدائي

وش بتفيدني فيه الأجهزه التعويضيه؟

مقررات ورب البيت مالها اي فايده
لي كمعلم صعوبات تعلم مستقبلاً

ليش ماتكون مقررات إختياريه
بدل ما إنجبر كل يوم امشي عالسياره
100 كيلو رايح جاي في زحمة الرياض ؟

ليش ماتبدل ساعات مواد التخصص
وتحذف هالمواد اللي مالها فايده ؟

فايده عامه بس لأقل ولا أكثر

اليوم اللي يعلن فيه
قرار تعييني كمعلم http://www.saarm.com/vb/images/smilies/12528392468.gif

ياتعس حظ مدير المدرسه اللي بجيه http://www.7la2.com/vb/images/smilies/biggrin.gif

راح أموت وأنا أشوف
إستغراب الكل من حولي بأني مدرس

مشكلتي فضيخ قلب http://www.7la2.com/vb/images/smilies/biggrin.gif

وكل اللي همني رايي في نفسي
ومعرفتي لذاتي
>> يقولون مغرور بس ماني مصدق

وياحظ كل طالب بيكون بمدرسه أنا فيها http://www.7la2.com/vb/images/smilies2/0185.gif

( أحس إني بجيب مصيبه ولا راح أتخرج من الجامعه
إحساسي يقول كذا مدري ليش )
http://www.7la2.com/vb/images/smilies/biggrin.gif

تعرفون البرز يوم يقررونه أهله يشترون له بلايستيشن
يكون متحمس ومبسوط http://www.saarm.com/vb/images/smilies/rolleyes.gif

أنا مثله بس أنتظر
اليوم اللي أدخله فيه عى مدير المدرسه http://www.7la2.com/vb/images/smilies/1/wq.gif

وأقول / المعلم طراد الروقي http://www.7la2.com/vb/images/smilies2/0185.gif
قدم إليكم من ربوع نجد بمعدل 2,73
وحب الفلسفه والذبات
أنت ووجهك اللي كنه ركبة شحاد

عندي فلسفه تقول /

المتعه , والحب , واللكاعه http://www.7la2.com/vb/images/smilies2/0185.gif

تصنع النجاح

كطالب جامعي انا مثال سيئ

لأني ماهضمت الطريقه الجامعيه كلها http://www.7la2.com/vb/images/smilies/biggrin.gif

لكن /

سنه بالميدان فائدتها تساوي
20 سنه بدراسة مقررات الجامعه

الإحتكاك يجلب الخبره
والخبره تغني عن النجم والسلم ... إلخ

(1)

التعليم حب

طالب أمه ميته
طالب أمه مطلقه وعايش مع زوجة أبوه

كيف هالطالبين يطلب منهم قراءة قطعه نصيه
تتكلم عن حنان الأم ؟ http://www.7la2.com/vb/images/smilies2/030.gif

منهج وقصص خاصه لكل طالب
راح أكون مسئول عنه http://www.7la2.com/vb/images/smilies2/0185.gif

طالب يحب الهلال / تكتب له قصص عن نادي الهلال http://www.7la2.com/vb/images/smilies2/0185.gif
طالب يحب البر / تكتب له قصص عن البر والأبل
طالب يحب السيارات / تكتب له قصص عن الكامري واللكزس
طالب أمه ميته / تكتب قصص عن قدر الأخ والأخت http://www.7la2.com/vb/images/smilies2/030.gif

إذا الطالب حب شي
راح يبذل كل جهده عشان يوصل له http://www.7la2.com/vb/images/smilies/3rbe.com_113.gif

شي طبيعي إنه بيمر بسلاسه في درس القراءه
عشان يجيد قراءة قصه لشي يحبه
وعشان يفتخر عند زملائه

بعطيكم مثال عن نادي الهلال

ياسر القحطاني مهاجم نادي الهلال , يحمل الرقم 20 ,
وهو من مواليد مدينة الخبر

طالب ثاني ابتدائي وش بيستفيد من هالثلاث جمل ؟

1 ـ عشقه للهلال وياسر راح يدفعه
لحب التعلم لأن فيه فائده بيوصل لها من هالنص اللي بيقراءه

2ـ راح يجيد ويعرف قراءة وكتابة الرقم 20
لأنه رقم لاعبه المفضل ولاراح ينسى الرقم ابد http://www.7la2.com/vb/images/smilies2/0185.gif

3 ـ مفردة كلمة الخبر = مدينه من مدن المملكه
( وهنا الطالب حفظ إسم مدينه , لأن ياسر ولد فيها )http://www.7la2.com/vb/images/smilies2/0185.gif

التعليم شي بسيط وسهل
بس من يفهم وزارة التربيه والتعليم
بشي اسمه / الحب

(2)

التعليم متعه
http://www.7la2.com/vb/images/smilies2/0185.gif

عزيزي المعلم
منت مجبور تجلس بغرفة المدرسين
وتفطر معهم http://www.7la2.com/vb/images/smilies2/0171.gif

لأنهم / بيتكلمون في الرواتب , والطالب فلان سيئ
وحش في الوزاره , وأمور تجيب الهم http://www.7la2.com/vb/images/smilies/567683.gif

لا تصير إمعه معهم

أفطر في مكتبك والا بغرفة المصادر
والطالب اللي عندك بالحصه الأولى
يفطر معك فول وتميس
http://www.7la2.com/vb/images/smilies2/058.gif

أنت تستفيد حاجتين ؟

إنك تمخمخ بعد الفول ,
تكسر حاجز الرهبه بينك وبين الطالب
( كل طالب يشوف المعلم شي لازم نحترمه ونخاف منه )
http://www.7la2.com/vb/images/smilies/113.gif

عندك وقت فراغ

البس رياضه ورح للمعلب
وسحب في المبزره اللي بحصة الرياضه http://www.7la2.com/vb/images/smilies2/0167.gif

ضحك عليهم وإنبسط وإستمتع http://www.7la2.com/vb/images/smilies2/0185.gif

لأنك وقتها وأنت تمشي بالمدرسه
راح تسمع الطلاب يقولون جملة / إستاذ فلان

ودامهم تجرؤ هالصغار ونادوك
فأنت جلبتهم لصفك وصار تعليمهم شي سهل http://www.7la2.com/vb/images/smilies/3rbe.com_167.gif

إنس الراتب , إنس النقل , وإنس العزوبيه
والشقه اللي تبي تنظيف

تمتع بالمدرسه ياعزيزي
وإستمتع بالخبث في كسب هالطلاب http://www.7la2.com/vb/images/smilies2/031.gif http://www.7la2.com/vb/images/smilies2/031.gif

(3)

التعليم لكاعه http://www.7la2.com/vb/images/smilies2/0185.gif

المدير طنشه
وخله يعرف إنك شخص منت معبره ولا مهتم فيه

عشان مايغثك ولا يعبرك

حسسه إنك مريض نفسي http://www.7la2.com/vb/images/smilies/biggrin.gif
وأخر همك كيف تنقل من هالمدرسه

خله يوم يشوفك يتجنبك
ويندس عشان ماتذب عليه قدام المدرسين
http://www.7la2.com/vb/images/smilies/fg7.gif

مهمتك كمعلم كيف تدرس الطلاب
موب تفرض إحترامك عالمدير
http://www.7la2.com/vb/images/smilies2/0128.gif

طالب بدوي وطعس وحنوسه ؟

لا تقوله 5 + 1 = كم http://www.7la2.com/vb/images/smilies/biggrin.gif

قل له /

عندك 5 نياق وابوك عطاك ناقه
كم يبي يصير عدد نياقك ؟ http://www.7la2.com/vb/images/smilies2/041.gif

صدقوني بيعد لين يقول 6
( الغبي مايدري انه يتعلم الحساب )
http://www.7la2.com/vb/images/smilies2/0185.gif

( إستهبل وأضحك وتلكع , بس اعتبرها
بوابة وطريقة للوصول لهدف ) http://www.7la2.com/vb/images/smilies/01200.gif

فلسفه جديده بالحياه

التعليم = حب , متعه , لكاعه http://www.7la2.com/vb/images/smilies2/0185.gif

ايميل وصلني حبيت تقرونه معاي لعيونكم }~