|
مجاراتي لـ قصيدة خليل الشبرمي في ردّه على ابن الذيب
هذه مجاراتي لـ قصيدة الشاعر / خليل الشبرمي في ردّه على (محمد ابن الذيب)
وإليكم المجاراة بدون أية مقدمات اببدا قصيدي باسم ربي عظيم الشان جزيل العطايا دامح الذنب والسيّه واوجّه سلامي للنشاما من العربان واخص التميمي بالتحيـات مثـنـيـّه (خليل القصيد) الشبرمي مبدع الألحـان امـيـر القـوافي حيـّه وحـيّ طـاريـّه واقول اشهد انك ساس شعر وطليق لسان وداب القصيـد اليـا عـدا يتـعـب الحـيـّـه كفى ياخليل الشبرمي وادحر الشّيـطان توثمت في (ابن الذيب) واظهرت خافيّه وعـرّيتـه وعلـمتـه الشـعْــر بالمجان وذبحته يا ابو أديب من دون جنبيـّه طعنتـه بسيف الشعر ياسيـّد القيفـان وكويتـه بجـمْر ٍ حـيّ كيـّه باثر كيـّه انا اشهد شهادة حق ماناشها بهتان بأنك غسـلت شـراعـه ودسْت ماضيّه ومن هان نفسه ياكريم النسب ينهان وتشوف بجبينـه طمغـة الذل ماريـّه مثل دبرة (ابن الذيب) وفلان وايّا فلان دعاة الشعر في وقت زادت بلاويّه يباع الشعر بلسانهم بارخص الأثمان وصـرنـا مـابـيـن مهـايطيـّه ولوقـيّه ولا الومك بمدح الكريم ابيض الأيمان ابو مشـعـل كحـيـلان شيـخ العطاويّه عزيز المقـام وْوافي المـدّ والإحسان حوى الطيب كله من نواصي نواصيـّه شبع من معين احسانه الإنس وايّا الجان وروي من بحور ايديه طرقي وطرقيـّه يثور الكرم من جال كفّه تقل بركان ويعـم البحـور السبعة وكـل بريـّه والى ذِكـْروا اهل الطيب والعز واهل الشان يهيـم الفــؤاد بـذكـر أرض السعوديّه ديار الحـرم والكـعبة ومهبط القرآن ومهـوى عبـاد الله ركايب ورجليّه حفظها الله وْوكل بها عصبة الإيمان ورسّــوا لهـا دعـايم العــز مبـنـيـّه بنـاها وأسسهـا معزي وهو الربـان ودعّـم قواعـدها بعـد هيـّه وهيـّه وعقبه حكمها عيـاله وثبتوا الاركان والى اليـوم من فضـل الله ونارهم حيّه لهم طاعوا الحضران وانصاعوا البدوان وعليهم لهم بيعة على العنق ممضيّه وقاد المسيرة منقع الطيب ابو اليتمان ابومتعـب الله يحفظـه في خطاويّه نقيّ السريرة في زمان ٍ زمانه شان وقلـّت به الحَسنـى وكـثرت مساويّه وبجْهـوْده الله ينصره كل شي ٍ زان وياحـيْ عينـه تـاج راسـي وياحيـّه ونايبْه ابو خالد كريم العرب سلطان شبيه السحاب اللي تنشّى مع الفيـّه مكارمْه ماطر غيثها طال كل انسان ولا احـد ٍ يشـابه مسنـدي في حسانيـّه عسى الله يديمه للوطن ذخر ٍ ونيشان ويحْفَظـه لاهـل الأرض عـز ٍ وجاهيّه وعسى الله يعز النايب الثاني بْليهان ابوسعـود نايـف حقـق الله امانيـّه وزير الأمِـن درع الوطن مرهب العدوان يعجزون نسوان العرب ما انجبوا زيـّه ولا انسى ابد (هداج نجد) الوفي سلمان اميـر الريـاض الشـامخـة حب وحميـّه كبير المقـام اللي يهـابـونـه الشجعان زعيم الزمان اللي الهقـاوي هقاويّه ملاذ الضعيف اللي غزت قلبه الأحزان وسيف العدل في حزمه وفي حراويّه وإلى طرّوا اهل الطيب يطري علي حمدان اميـر ٍ على العـليــا تعـلّـت مبـاديّه عزيز الجناب النشمي مكرّم الضيفان الى مــد يمـنى الخيـر هـزّ المزانيّه وابوه الكريم محمد مشيّخ الشيخان يطول العطا من مدته كل اراضيّه شبع من سخاه التاجر وشبعوا الرعيان وعطاياه أسرع من هبوب ٍ شماليّه وياهيـه يا ابن الذيب دونك وكفّ لْسان ترى المملـكة غـيـر الديـار السياحيّه وعن (موطن العز) الخـلا والزم السيسان وإيـّاك وايـّا انـك تطــرّي السعوديّه ترى دونها رجال ٍ حَرَار ٍ لهم جنحان تجيبـك لو انك في جحـور ٍ خلاويـّه وإذا بتمشي بْغيـّك وبتعارض الرّكبان ترى لسانك حصانك وسيّتك اهي السيّه تراك بخطاك اليوم تخطي على العجمان وهم قدرهـم فـوق الجـدي يا اسود النيّه رجال ٍ لهم عند العرب قدر ٍ وقبلان بـلـيــّا قصــور ٍ في جميـع السنـافيّه ياويلك وويل اللي تكلم بلا برهان وحـط السلاطين (انبـيـا) وابحـر بغـيـّه تساويت يا (ابن الذيب) مع صنوك الشيطان ولا لك ولا لابلـيـس يالخبـل حجيـّه من اللي خِلِق (من نور) يالتايه المرضان ؟ تساوم على دينك لجـل شي ٍ وشيـّه ولاباقـي الا تْقـول لفـلان ولْعـلان مـن اللـي تـدوّر منـه بيـزه وربـيـّه : (تراك انت مخلوق ٍ من اللول والمرجان وروحك نفخها الله في رحم حوريّه) إذا مارجعت وتبت ويلك من الديان تألـى علـى ربـي بلـيــل ٍ وصبـحيـّه واظنّك عرفت اليوم من هو غدا الـ ..... ــان ؟ ومن (......) الشعـار مـن كـل جنسيّه ترى الشعْر له شعار ٍ تسفّـه الخبلان ولايْحقّـر اهـل الطيـب كود الشقاويّه ترى الشعر له جمهور .. خلك من البرزان سَــوَاءً بغـيـتــه نظــم ولا بــ ردِّيـّه تسـوّل ومــد يـْديـتـك عند اهل الاحْسان تعصّب وامِـلْ ثوبـك وبـاقي مخابيّه وتلطّم وروّح واعتبر نفسك الكسبان وترى الشِحْده ارحم من حلال الحراميّه وانا انصحك تفتح لك من حْليلك دكان وقل جتني الأموال من مكسب يـْديـّه وبتّلْ على هالحال في باقي الأزمان وخلك من الشعر الرّصين وطواريّه قديم الشوق |
صح لسانك شاعرنا قديم الشوق وحفظك الله والله يعز تميم ويام وجميع قبايلنا ويألف بينهم ويحفظ لنا المملكه واحترم الشاعر خليل أنه لم يتطرق لقبيلة يام بل مدحها وجعل هجاءه في شخص الذيب وأتمنى أن يكون ذلك من أجل المبادي والأخلاق واعتقد أن سبب هجاء الشبرمي سياسي بحت وليته كان من أجل مباديء أسلاميه وحتى يعرف الجميع ذلك أن الشاعر الشبرمي سعودي .. ترك السعوديه وأخذ الجنسيه القطريه والثاني قطري .. ترك قطر وأخذ الجنسيه الأماراتيه ... ألى هنا الأمر عادي ولكن الامور أشتعلت بأمر سياسي بعد ماقال أبن الذيب في حضرة ولد حاكم دبي قصيده هجى فيها بلده الاول قطر ووصفها بأنها بلد فقر منها سيدي قدام أجيكم فقري ................. وأكد على عرب فقريه واليوم بفضل الولي سبحانه ........... وثم بفضلكم أسلف الطرقيه وهذا أغضب حكام قطر ,, خاصه أن الذيب له جمهوره في قطر وقد يتأثرون به وهنا سلطوا عليه شاعرهم الشبرمي. واعطوه الضوء الأخضر فأخذ يكيل له كل أنواع السباب والشتائم ومن ثم أخذ يعدد مكارم ومعجزاات حكام قطر وبأن أستقرار العالم بفضلهم رضي الله عنهم وبأن دبي هي الخسرانه لأستقبالها أبن الذيب وتجنيسه للأسف هم شعراء السلاطين ولم تهمهم المباديء والاخلاق والدليل شعرهم حفظ الله تميم ويام وجميع قبائلنا وحفظ مملكة العز ونصرها أسف على ألأطاله أخي الحبيب قديم الشوق ... وتقبل خالص تحياتي |
سَلمــِت سَلمــِت صَح لسـِـآنك .. وطآب حآلك :152: .. , لآكن لتذكير خليل الشبرمي لم يتعدى على أبن الذيب بلألفآظ لآكنه أقتبس الألفآظ البذيئه من قصآئد أبن الذيب ووضعهآ في بدآيت قصيته ليريه وقآحة آلفاظه ! ويبقى خليل شآعر له مكآنته ! . . |
اقتباس:
أخي الكريم / عبدالله السهلي أشكرك على مرورك العاطر وعلى مشاعرك التي محلها القلب وأحترم وجهة نظرك فيما يتعلق بسبب قصيدة الشبرمي وأنا لا أعلم سببها تحديدا ً لكن ردي كان نابعا ً من تأييدي للشبرمي وعدم احترامي لقصائد ابن الذيب المخالفة للدين والمصادمة للذوق العام شكرا ً لك من الأعماق وشهر رمضان مبارك عليك وكل عام وأنت بألف خير وتقبل فااائق تقديري واحترامي |
شاعرنا الرائع والجزل دوما وابدا قديم الشوق
اولا كل عام وانت بألف خير وصحه وسلامه وثانيا صح لسانك واجاد بنانك مدد بلاعدد ويسلم لسانك وانا معك في كل ماتفضلت بذكره وردك وافي يابعدي كن بخير |
صح لسانك يابونواف ..قصيده وافيه..وماقصرت طال عمرك
تقديري لك.. |
صح لسانك
ماقصرت يالغلا ودي لك:v9v9net_032: |
اقتباس:
نبض قلم أهلا ً بك ِ وبمرورك ِ العاطر والشهر عليك مبارك وكل عام وأنت ِ بألف خير وأشكرك ِ على مشاعرك ِ وماذكرتيه هو الصحيح فيما يتعلق بالألفاظ الواردة في قصيدة خليل الشبرمي ولكن مع الأسف الكثير ممن يجهلون الواقع انتقدوا خليل الشبرمي على ألفاظه لجهلهم بكون تلك الألفاظ (لابن الذيب) وقد أوردها خليل الشبرمي للرد عليه من خلالها وتعريته شعريا ً وأخلاقيا ً أشكرك ِ على بعد أفقك ِ والله يعطيك ألف عافية وتقبلي فاائق تقديري واحترامي |
مديرنا الراقي ..شاعر الحرف النابض بالحب ..قديم الشوق ..
صح لسانك .. حروفك تنسج من الذهب لقد ابحرنا مع حروفك في بحر بلا مرسى .. دام نبض قلبك ورائع قلمك المميز.. لاعدمناك.. |
واوجّه سلامي للنشاما من العربان واخص التميمي بالتحيـات مثـنـيـّه ~ آوولآ صحَ الله لسسسانكَ و لسآن التميميَ ابن عميَ = ) :130: مجاراة رائعهَ .. و طبعـآ بنت مآلنـآ ف سوالف النقد و الوزن و القآفيهَ لكن وقت قرائتهـآإأ سلسهَ ,, تدخل القلبَ ف" آنتظار جديدكَ دآئمــآً ~ لآ هنت .. و لآهــآنَ قلمكَ |
| الساعة الآن 04:06 PM |
Powered by vBulletin® Copyright ©2000 - 2026
