منتديات منابع الأدبية - النصر والهلال وابو زنده ..الخ //محاوره مع سعود بادي ..

:

:

هذه محاوره صارت مع الهدّاف الوجعان سعود بادي .. في احد المنتديات قديما

طبعا ً موّال وفيه طريقة الشقر مع الشيله .. اتمنى ان تعجبكم هذه المتوواضعه

/

\

عادل

سلام يـعـم ّ الـدار ..ويـخـّـص واحــد
اللي مـعـه عـادل ...ثـنـيـنـه × واحــد
اسـعـود ...صـاحـب فـالـمـواقـف مــواحـد
يالله على بابك يافـــتــــاح الابـــواب
:
:
ابن بـادي عـلـى حـدود الـشـمـال
......... قـالـوا ضـيـّـع جـوازه والــسـفـر

يـسـعـى للـمـيـجـنـا..مـع اووووه يـامـال
...........مـادرى الـشـام فـارَق عـن مــصـر

سعود

يامرحبابك يالأحد قبل الاثنين
الا ارتخى عزمك نشدك بالاثنين
واحد على واحد يقاللهم اثنين
يالله على بابك يافتاح الابواب .
.
.
ابن بادي على رووس الجبال
..................... كان يطربك مـوال الشقر
جيت ياعادل اليـومه بفـال
..................... مار ربك يابن عالي ستر

عادل

خـمـسـه تـعـاشـيـق ً لـدفـع الــربـاعــي
مـع عـاصـي حـلانـي..وصـابـر ربـاعـي
وعـلـى أراضـي مـجـدبـه ..او..ربــاعـي
يـاللـه علـى بـابـك يـافـتـّــاح الأبــواب
0
0
ابشـر ابـشـر عـلـى صـبّ الــدلال
............ ويـاحـلا الـكـيـف بـقــدوع وتـمـر

خـابـرين الـنـصــر عــمّ الـهــلال ؟
............ كــيــف يـاسـعــود مـافـــاز الـنــصــر ؟؟

سعود

يالصاحب اللي عن ربوع الوطن فار
الذيب كيف يعيش في جحره الفار
نعذرك لو دمك من غيابنا فار
يالله على بابك يافتاح الابواب
.
.
.
بارك الله في سعي الرجال
....................... بدوها ياعميلي والحضر
النصـر فاز مافيها جـدال
....................... شاتها بعـد تثبيـتة صدر

عادل

((سـواح مـاشي )) (( وطـايـر الـفـرحـه طـاير ))
حــر ً في ارضـه ، وصـقـر فـالـجـوّ طـايـر //
والـذيـب يـعـيـش ، وعـيـش وقـتــك فــطــايـر
يالله عــلــى بابـــك يــافـــــتــاح الابـــــواب
0
0
راح وقـتـك عـلـى :- روح وتـعـال
....................... والـعـشـى للــذيـابـه مـن عـصـر

بـس ..ابـو زنـده يـسـمـع مـن جــلال
....................... وقـالـوا ان الـتـسـلل قــد ظــهـر ؟

سعود

ماني عليك اليوم زاعل وداعي
ماجيت لين الصوت جاء فيه داعي
لكن تبغى الجد مافيه داعي
يالله على بابك يافتاح الابواب
.
.
.
من لبس برقعه نهديه شال
..................... ونشتريله من البسطـه عطـر
جيت باكتبه مار الخـط مال
..................... لكن اشطب شطر واكتب شطر

عادل

ابســألك ياسعـود...و رأيك اضـــــافه
اعـرب مضـاف الـيـه ...وشـبـه الأضــافـه
و عـن حـكـم سـاعـي (( رفـض / تــمّ )) الاضــافـه ؟
يـــالله عــلــى بــابـــك يافــتــاح الابــــواب
0
0
يـبـشـر اللـي تــزيّن فــ الـــدلال
..................... مـثـل تــدليـل نـاس ً للـــبـقـــر

طـبـع لـبــنــان دايــم فـ انــحـلال
.....................شـوف شـحـرورتـه تـصـبـغ شـعـر

سعود

الله على الخرفان يستر ياعادل
ماعاد هي لحية خسارة وتعادل
الشعب روح بين ظالم وعادل
ياله على بابك يافتاح الابواب
.
.
.
من عطى الورع وجهه والمجال
.................... ينتبه من مطيـرة الغتر
وانا بكى بالحـلاوه والريال
................... كل ماينقلب وجهه حمر

عادل

مـادام نـعـرف مـنـهو آخــر ... وأوّل ؟
اللــه يـفـضـح مـاخـفـى عـام الاول
فـاللـي كـذب واللـي تـخـّـفى وأوّووول
ياللـه عـلـى بـابك يـافـتـاح الابــواب
0
0
ياابـيـض الـوجـه يـاكــرم الـسـبـال
.................. خـل ّ شـعـبـان يـكـشـف لك صـفـر

ولاتـطيـّـر شــمـاغـك والـعـقـال
.................. الـنـتـيـجـه تـرى (( 10 - صـفـر ))