منتديات منابع الأدبية

منتديات منابع الأدبية (http://www.manab3.com/vb/index.php)
-   منابع دُرر آلقصـــيد والموروث الشعبي (http://www.manab3.com/vb/forumdisplay.php?f=7)
-   -   (( الحــــــــــــــــــــــظ )) (http://www.manab3.com/vb/showthread.php?t=1643)

العنود 07-04-2006 03:40 PM

(( الحــــــــــــــــــــــظ ))
 
السلام عليكم ورحمة اللله بركاته000

اضع بين يديكم هذه الرديه بيني وبين الشاعر الكبير طلب رداد الظفيري عسى
ان تحوز على رضاكم000

(( الحـــــــــــــــــــــظ ))

العنــــــــــود00

ما ادري اقول الحظ ملعون يا سعود
والا اقول الحظ عيا يقومي
تلعب بي الايام والباب مسدود
والموت طيفه في عيوني يحومي
ليته يريحني ويرتاح مقروود
ضيم الدهر يا سعود شق الهدومي
اعاتب الدنيا على قولة حمود
ربك عظيمن في عباده رحومي
يالله يا واحد لك الشكر محمود
ارحم فقيرن شاف موته يحومي


الي الشاعرة القديرة العنــــــــــــود 000مشاركة كيبوردية تضامنية و متواضعة !!

طلـــــب000

يالله ياللي كل خلقك لـك سجـود
تلطف وترحم بنت ناس ٍ قرومـي
أشوفها تشكي عنا الوقت والكـود
الله يلـوم اللـي عليهـا يلومـي
يالله تجنبها عنا أيامهـا السـود
وتفتح لها من باب جودك قسومي
مادامها بنتٍ عزيزة وضنـا عـود
يالله تجنبهـا شبيـه الرخـومـي
وترجع تغني وترفع الصوت لسعود
يسعود هانت ياعريب السلومي !!



العنــــــــــــود



لاوالله الا الفرح ياخوك محدود
لاصار فرحي شي شبه معدومي
ضاقت عليه يفرجه رب معبود
يلعبي الغربي وريح السمومي
كني غريبن والزمن مهد ولحود
شوف اللحد ياخوك يمحي همومي
ماخذ على الدنيا مواثيق وعهود
وتقول ماني عن خطاك معصومي
لا واللله الا الفرح يا خوك محدود
لاصار فرحي ياطلب امعدومي


تحياتي000

العنــــــــــــود

قصايد 08-04-2006 02:57 AM



00 الـعـنــــود 00

00 صـح لـســــانـك .....
00 أسـتـمـتـعــت بتــواجــدي هـنـــا ..

00 دمــت بـتـــألــق ..


http://smawy.com/vb/uploaded/line/SmAwY-30.gif

إيمان السعيد 09-04-2006 05:00 AM

العنود

صح لسانك واحساسك

راقيه جدا لكى الود

نغم

لون الثلج 09-04-2006 03:53 PM

:

من جد رائعه

دمت باحترام..

.

فهد الدباسي 10-04-2006 07:26 PM

العنود



صح لسانك

و لا يهون الشاعر رداد



رديةٌ جميلة



شكراً على نشركِ لها هنا



تقبلي تحياتي

محمد الفرحان 15-04-2006 03:23 AM

.

.

رديه رائعه ومساجله

بين رائعين . .

.

.

صح لسانك اختي العنود

ولايهون الشاعر طلب

الظفيري . . .

.

.

تقبلي فائق تقديري واحترامي

مزون المحمد 06-08-2006 04:13 PM



العنود


شكراً لهذه المشاركة الرائعة


لاهنتي غاليتي


دمتِ بخير


نووود 29-12-2008 07:48 AM

العنود ابياتك رائعة وانت اروع
تقبلي مروري

اختك
نود

قديم الشوق 23-01-2009 07:12 AM

شاعرتنا القديرة / العنود

صح لسانك والله وصح لسان الشاعر / طلب الظفيري

ردية أكثر من رائعة وفيها الكثير من الأبيات المميزة

ولا أدري أين كنت عن هذا الإبداع قبل اليوم

شكرا ً لك من الأعماق

وتقبلي فائق تقديري واحترامي


الساعة الآن 04:21 PM

Powered by vBulletin® Copyright ©2000 - 2026
إستضافة و تطوير براقما

Ads Management Version 3.0.1 by Saeed Al-Atwi

كل مايطرح في المنتدى مسؤلية الكاتب فقط وليست للإدارة أية مسؤلية