أنا أحبك لا لشيء..إلا لذكرى تتبعك=من فضلك أنتي لا تخافين المشاعر مطمعي
مالي مطالب غير لطف الروح والله يجمعك=باللي تبين..ويسكن الراحة بلطفه مضجعي
لولا جذبني يوم أمر اللي تفقدته معك=والله ما بتي بعينك هالسؤال الألمعي
س:أنت مين ووش تبي اكتب هنا من موضعك=وانا بعيدة هقوتي بك يالنقا من موضعي
يمكن بداياتي خطا واللي ببالك يوجعك=فكرة تحرش شاعرٍ أو بالشعر جا مدعي
لكن ومن سواك لا هذي ولاهذي..دعك=انتي براس الانكسار ولينك أترف لو تعي
لايزعجك بعض الغناء اللي يباري مسمعك=غني فداك الحرف وامضي في جمالك وابدعي
الشعر يستودعك سره..وش بعد يستودعك=الحب..يمكن..لكن أنتي من معك وانتي معي؟؟