/
/
/
/
ومعـقولة !!
في قمة جـروح الجـمر .. بردانه
أسال الصورة .. عرفتيني ؟!
أنا حـزن .. يمه
حـزن .. يمه .. مو صح عرفتيني ؟!
سنين
وأنا في مجلس الحـرمان .. أودع كل ليلة .. حلم
وأسافـر
أسافر في أغاني .. الأم
من يوم ما أنتي تركتيني ..
أتوسل الهاتف يرن ( صوتك )
محتاجة يا أمي ..
حضن دافي .. وأنام
وطن .. يستر عـرائي .. بالحنان
وكلما تذكـرت الفـراق ..
أنتي .. وأبويه .. والطلاق
البس فساتين الهموم ..
وأرسم على خدي ضياع .. وارسم دموع
واحضن وساداتي .. واشمك
من بقايا عطرك الفارغ .. حنين
وهندولي الصغـير ..
الذكرى ذيك اللي بقت .. ذكـرى
كلما راحت تمرجحني يديك ..
من .. يلملم .. عني .. شعـري
من يبعـثر .. لي .. ضحكتي .. فالبيت
ومن يسوي لي مثل حناك ؟!
زوجة " والدي " / يمه
صعـبه ..
صعـبه .. تتقنه مثلك
لأنك من تنفسني .. من آلام .. المخاض
ورغم هذا رضعتيني من تعـب ثديك ..
لكنك .. فطمتيني .. فـراق
---
---
---
وشفتي .. شلون .. يا يمه
وأعيش أخطائكم .. للحين
من ثمن طعشر سنه ..
وأنا .. أدفن .. في روحي / جـروحي
سكين
كلما يسألوني صديقـاتي عليك ..
وكيف احتفل وياك .. في عيد .. " الأم "
أقوم أبكيك ..
وأهني كل أمهات الكون ..
وأنتي .. " لا "
لأنك من ثمن طعشر سنه .. وفـراق
نسيتي حتى تتصلي .. على .. بنتك
والسبه ط / لا / ق ..
وصعب أنساك ..
لأنك .. مو حبيبي .. متى ما خانني .. اطفيه
---
---
---
ومعـقولة !!
قلبك من حنان الأم .. رمد .. عن .. حـزن بنتك
ما شاغبك .. شوقك .. تلميني ؟؟
وما يرعبك خوفك ..
وانا بعـيده عن عينك .. اخونك
واكلم أحد توهمني فيه العاطفة ..
وأخـرج معه ..
يغتالني في عفتي ..
وأخبز ندم من كذبته ..
ظالم الوقت .. مدري أنا .. وش .. قصته
---
---
---
تدرين يا يمه .. دايم ما أتسأل
أحبك .. أو .. وحشتيني
أيتـامها .. وش كثر تعـني لك ؟!
لو ما سمعتيها ..
ولو ما قريتيها من ملامح طفلتك .. بنتك
ما توجعـك ..
وليش هذا الصمت اللي في صورتك ؟!
ما يبغى يكلمني ؟!
مخنوقة من بروازها .. يمه
مثل ما كان طيفك اللي يخنقني ..
---
---
---
أرجوك قولي لي ..
متى يرق لي قلبك يا صباحات السنابل ؟!
وأنا شوارع خاطري ..
ما مره داستها خطو رجليك ..
كذا يرضيك ..
أموت ..
أحزن ..
أعاني ..
وما عدت أحس أنك عشاني ..
مو كـــافي يا أمي .. فـراق
لأني
ما عدت أحس أنك عشاني ..