|
مــلامــح خــوف
دخول ---------- والله قهر مدري من اللي يسرق احلام القدر مدري وش اللي يجعل السكه ظلام ويجعل الخطوه سهر ليه السفر لما ينزل شنطته عن عاتقي القى سفر وليه المواني ظلمها ماريّح امواج البحر والله قهر يطيح الليل من كتف النهار ويحملَه كتفي ----------------------------------- ويندى بي جبينٍ من تعبْه يطيّح نْجومه وامسِّحها باصابيعٍ يبان بوصفها وصفي -------------------------------- نحيل..مشَقَّقٍ وجهي..شفاتي حيل مقظومه تشابهني واشابهها..تجمَّع نزفها ونزفي ---------------------------- بأطهر دم و(اطهر حرف)صارت سحر منظومه لعين غياب مقفوله/ونام بنونها[حتفي] ------------------------------- وإيد وصال مشلوله/بها الرامي معَ سْهومه تعال وشوفني قدام/انا مليت بك خلفي -------------------------------- وسكينك على ظهري/بلون البعد مرسومه اذا جيتك..وحثّيت الخطا/في رحلتك تقفي --------------------------------- واذا وقفت..ابي تقبل/تحث خطاك للشومه على وجهي ملامح خوف/والأكثر منَه مخفي -------------------------------- مـ بين ظلوع محرومه وبين آهات مكتومه وفي كفّي رعيش الصدّْ/والعبرات في طرفي ------------------------------------ تكفِّي لو تناظرها عن الخفّاق وعْلومه تعب صوتي..تعب ساقي..تعب من ساعتي وقْفي -------------------------------- تعبت آشيل هذا الليل من يومه إلى يومه متى نتقاسم الحمل الثقيل وكتفك بكتفي -------------------------------- نشيل الليل وآهاته/ونسهر نحْسِب نْجومه خروج --------- يمكن يفيق ينفظ جفونه من غياب ويخطف كفوف الغريق وين الطريق اللي يوريك الإياب ويمنحك(تبليل ريق) |
قصيدة متميزة من شاعر قدير أحمد بن سارح صح لسانك ولاهنت كتبتَ فأبدعت مدخل رائع ومخرج أروع وما بينهما يكمن جمال الإبداع والذكاء مشاعر مختلطة ما بين عناء وقهر وتعب وصبر مكسية بالخوف ونتج عن كل ذلك هذه الأبيات المعبرة سلمت أناملكَ التي خطَّت هكذا كلام أرجو أن تتقبل مروري المتواضع فشهادتي فيك مجروحة مع خالص شكري لك وفائق تقديري لقلمك :152: |
بوح يعلو الجبال ويصل للنجوم
شكرا لترفك هنا |
صح السانك يا اخوى احمد على كلماتك الى اكثر من رائعة ابدعت يعطيك العافية
|
شاعرنا / احمد بن سارح
مبدع ياشاعرنا الجميل في كل حالاتك قصيدة عذبة راائعة مبللة بجميل الشعر صح لسانك ياغالي وفي انتظار جديدك المبهر وتقبل فاائق تقديري واحترامي |
زهر البيلسان
مرام الطيبه قديم الشوق لكم شكري وتقديري على مروركم الجميل |
الصراحه اول قصيده سقطت يداي عليها منذ دخولي لهذا الصرح وسوف تكون اول دافع لاستمراري في القراءه قصيده بقمة الروعة واعجبني مطلع القصيده ومقطعها بنفس المغزي حيث بدات بوصف حمل الثقل باكتافك ثم دخلت لصلب الموضوع وعدت الى الثقل بطريقه راقيه ومميزة على وجهي ملامح خوف/والأكثر منَه مخفي -------------------------------- مـ بين ظلوع محرومه وبين آهات مكتومه هذا البيت عن ديوان كامل صح لسانك اخوي ابدعت |
الله االله
يابن سارح صح الله منطوقك الجزل والوافي نص في غاية الروعه لاهان راسك راق لي ما طرحت تقديري |
ورديه
رمثي رحيمه اهلا بمروركم الكريم اللذي اسعدني |
| الساعة الآن 04:06 PM |
Powered by vBulletin® Copyright ©2000 - 2026
