منتديات منابع الأدبية - قيادة المرأه ..من أبسط حقوقها !!!

السلام عليكم ورحمة الله وبركاته
\
/
\
/

الكل يعرف بأن مسألة قيادة المرأه تعتبر من ضمن القضايا الإجتماعيه
في ممكلتنا الحبيبه .. الله يحميها
والكل يعرف عندما ثتار النقاشات حول قيادة المرأه يقولون من أبسط حقوق المرأه
أن تسوق .. طيب هل توقّف الأمر على القياده كي يكون من حقوقها؟
لماذا لا نظر الى حقوق أهم لبنت حواء؟
\
/
\
لهذا السبب إليكم آخر ما كتبت في شأن هذه القضيه
وأتمنى أن ترتقي لذائقتكم
\
/
\

ألا يالعنبو بنتٍ تسوق اليوم سيّــــــــــــــــاره
..........................والا يالعنبو منهو .. يوافـــــــق في سواقتها

غريبه كــــيف ياعالم !! جرفنا العج وتيّاره
..........................أنا خـــــــابر رؤوس تثور.. وثورتها بعجتها

أنا بالعولمه أدرى مابين الحين والتّـــــــاره
..........................يثيرون النقاش إنـــه من أبسط حق إنوثتها

يبون البنت تتمرجل وتمسك ليّة الطّــــــــاره
..........................يبون البنت تتمرجــــــــــل وتتمشى برفيقتها

يبون البنت تتمرجل وتتمشى بكل حـــــــــاره
..........................يبون البنت تتفتح وتاخذ كــــــــــــــل راحتها

يبون البنت لا قامت ونفس السوء أمّــــــاره
..........................تروح البنت من نيّا<< ..وألاّ وين روحتها

ترا من نيّا نفهمها !! ولا آبي منكــــم إعياره
..........................ترا يعني حبيب الروح..بعد ماتشوف خطتها

تقول البنت لبووووها..انا بروح أبي (ساره)
..........................الا يالعنبو ســــــــــــــاره ..ويلعن جد جدتها

ترا ساره مهي سـاره..حبيب الروح في داره
..........................شنب جـــــــالس ويترقّب متى بتجيه رنّتها

يبون البنت تتأمر وهذي ماهي بآمـــــــــــاره
..........................ترا هذي مثل عـــــارٍ. مابين الغنج وعفّتها

من أبسط حـــــق أنوثتها تجيك البنت محتاره
..........................ما بين البيت والملفى ومابين عيال حارتها

ليامن شافــــوا رقّتها .. تجيك النفس ببشاره
..........................بعد بكره دوام البنت ولا يا ويل جــــــــرتّها

بليلٍ مظلمٍ داكـــــــــــــــــــــن ولا نوّر بأنواره
..........................على خط السريع اللي يخـــالف خط سكتها

تراها ياعرب غزوه .. غزاها الغرب بأفكاره
..........................يعني لازم إنصفق ونتشيّد بفكــــــــــــــرتها

أبشركم وأبشركم ..أبو فـــــــــــلانٍ فتح باره
..........................وأبشركم وأبشركم .. بمرقص حق ضيقتها

وأبشركم ولا هيئه ولا شرطــــــــه ولا أماره
..........................من أبسط حــق أنوثتها مدام البنت سوتّها

تعالوا بس نتخيل..أبو فلانٍ مع جــــــــــــاره
..........................أبو فــــلانٍ على المطبخ مع بنته وعمتّها

وجــــــاره من ضحى ربي يقلب باقي أقراره
..........................أسوي كــــــــبسةٍ ولاّ..ياويش إتريد بكلتها

تراني صادقٍ شوفـــــــــــوا ترا الأيام دوّاره
..........................مع الأيام وإن طـــالت .. مع الأيام ومدّتها

أنشهد لو تسوق البنت .. أنشهد كنّها غاره
..........................على أرض السعوديــــــه وهي عزٍ بعزتها

الا وين الرجال اللي بحـــــــق الشر طمّاره؟
..........................الا وين الرجـــال اللي تلف اليوم عصبتها؟

الا وين الرجــــــال اللي تطفي بالحشا ناره؟
..........................الا وين الرجــــــال اللي نقود اليوم كلمتها؟

ترا ما تشيع لك ضوٍ..الا بقدحــــــة إشراره
..........................من أبسط حق أنوثتها..ترا مبدأ شرارتها

إذا هو حق إنوثتها؟ .. ترا هالبنت (نوّاره)
..........................تدرّس في طرف جده وهي بالشرق ديرتها

وإذا هو حق أنوثتها؟ ..ترا هالبنت مغواره
..........................أنوووووثتها بعفّتها في حشمتها في رقتّها

بلا حـــــقٍ بلا همٍ ..بلا تخريب ( وسيّاره)
..........................كــــــلامٍ صار بالفاضي وقالوا بحق أنوثتها

\
/
وسلامتكم