السلام عليكم ورحمة الله وبركاته

أسعد الله أوقاتكم بكل خير


صلوا على النبي

ابدع لك الابيات بيت (ن) بعد بيت=لكن بيوتي ما توفّي شغوفي
لو انّها بالبيت ما كاني ابطيت=بس الغلا فالقلب يا احلا طيوفي
في غيبتك لاني بحيّ (ن) ولا ميت=تايه ولا تنبيك عنّي وصوفي
اشتقت لك يا اللي بطهرك تعليّت=عرش الشرف ياجعل يفداك شوفي
انت الذي من عذب معسولك اسقيت=قاعي وربّع قاع ريضان جوفي
وفي مجلس الخافق قدعت وتقهويت=وما انته مكرّم ليني القى حتوفي
لبيّـــــه لامنّك زعلت وتغليّت=يزداد لك شوقي معا زود خوفي
ارخص لعينك كل غالي ليا جيت=غلاك قدّام الصعايب سيوفي
وطيفك ليا قام ونفحني وسجّيت ؟=رحت اترنّم في جزايل حروفي
وعسى عسى لعلّ ياليت ياليت=عليك ما شحّت ثقايل قنوفي
إلـا قوتني ضيقتي ؟ قمت جرّيـــت=يقطعك دنيا (ن) بالكفو ما تروفي
ماضاقت كفوفي من اللي به ازريت=من غيبة الغالين ضاقت كفوفي
دلّوعة (ن) لامن جفتني تدانيت=مثل العليل اللي كوته الظروفي
ولامن لطم خشمي شذاها ؟ تعافيت=وش عاد لو تكسر حجاب الشفوفي
انا لك ان ضاقت عليك وتشاويت=حتّى ولو كان الحزن بي يحوفي
جريت بالمسحوب خمسة عشر بيت=وترا بيوتي ماتوفّي شغوفي

http://www.manab3.com/vb/mwaextraedit4/extra/106.gif

وعليكم السلام ورحمة الله وبركاته

اللهم صلِّ وسلِّم على نبينا وشفيعنا محمد تسليماً كثيرا

صح لسانك واعتلى شانك

لا هنت يا شاعرنا المتميز

سعد بن مشبب البشري

سلَّم الله يديك على هذه القصيدة الرائعة

أجمل التحايا لقلمكَ القوي المؤثر

وفقكَ الله

:152: