يا غناة الـروح واشجونـي=وانسمي في يوفـي الخالـي
لا تطيـع اللـي يعذلـونـي=وتقطع المنـوى والوصالـي
انت عمري وانتـه عيونـي=وانت عندي مالـك أمثالـي
يوم شـدت عنـك اظعونـي=احسب انـي عقبكـم سالـي
كيف دونك عمري يكونـي ؟=وانت ريف الروح واظلالي !
كيف ابحيا دونك ؟ اشلوني ؟=من خبر يمنى بلا شمالـي ؟
من يعوض فيـك ويمونـي ؟=من يبدل ماه ( باللالـي ) ؟
لي نظرتك ؟ طحت من دوني=خرّت اللي شايـف اهوالـي
وصلـوه الشـط محزونـي=ضيع ( اقماشه ) والأموالـي
او عليـل جـوه يكـوونـي=فـوق حـر الكـي ولوالـي
لا تزيـد الجـرح وطعونـي=لا تسبـب قـرب الآجالـي
روف بـي ياخلـي بهونـي=ليل بعدك ياالضنـى طالـي
ضمنـي مابيـن الجفـونـي=مثل ما حبـك بـرى حالـي
واسقني من قربـك امزونـي=وان بغيت الزود ؟ لاتسالـي
قل : ( غنيمة ) مد لي العوني=و بك هلا يا ( حي هالفالي )
( قهوني ) من شوفك جنوني=و ( زلني ) في دمك الهالـي
وخذ فداك العمـر وعيونـي=وان بغيت الروح ؟ لا تبالـي