منتديات منابع الأدبية - " شوارد افكاري .. تهيم شوقا ً ..

كل الوجود في حظرتي ..

وكل الخيال بصحبتي ..

وكل الشوارد عودت ، تبي حياتي ودنيتي ..

كل الزمان بي يبتسم ..

وكل المكان لي ينقسم ..

بين الهموم ..

وبين الشتات ..

صرخه هنا ..

وونه هناك ..

وكل الألم حاول يجي ..

حاول يغير وجهتي ..

ويكسر اللحظه ويروح ..

وكل السهر بدربي يسير ..

يمكن كسير ..

ويمكن عثر في خطوتي ..

واصبح اسير ..

بين الجفون ,,

وبين شهقات الفجر ..

اللي انبلج مثل الحرير ..

وكل السحاب يمي مشى ..

وعني غشى ..

بعض الملامح ما اشوف ..

اتخبط النور بعمى ..

واتوجس الخوف ببكى ..

وارمي الحروف ..

مابي اشوف مابي اشوف ..

وكل العمر شاب ووقف ..

بوسط السنين ..

لاهو يمين ..

ولا هو ضياع من الحنين ..

ولا هو جفا ..

وصرخه وفا ..

لابكم حزين ..

كل الشرود تاه ووصل ..

لحد الضياع ..

واترجل الخطوه وجا..

يبي المجير ..

يبي المجير ..

ينصى بقايا فزعتي ..

وينصى الرجوله وهقوتي ..

بوقت مضى ماهو قريب ..

وتنكس الحزن الدفين ..

واصبح شعار للوهم ..

وللقصص عبر السنين ..

واصبح رحيل من الحياه ..

للي صبر صبر مهين ..

واصبح قهر بوسط النهار ..

لقلب رجال فطين ..

يقوى النوى ..

وبعض الجوى ..

وكل نكسات الحنين ..

أييييييييييه ياوقت مضى ..

وش لي بقى ..

غير الانين ..

وبعض الحنين ..

اللي صدق ساعه فراقه هو صدق ..

ويوم اصبح الصبح انتفض ..

يبي الخيانه للحبيب ..

اللي هجر ..

مثل العمر ..

وخلف نهايات الحياه ..

وتنهيدات آه آه ..

تسمع الم ..

وتسمع نحيب ..

وتختنق بدموع الفراق ..

وتصبح سراب ..

يلوح للضامي بأمل ..

وهو رمل ..

كذاب ..

يخدع عيون الهالكين ..

يخدع عيون الهالكين ..