وش عـاد باقـي ياعرب مأخسرناه=بغــداد راحــت وانتهت بعـد صدام
واليوم تونس تشتكي الظلم والاه =ظلم الرئيس اللي غدرها ولا دام
وش حـيـلة اللي مايكفـر خطـاياه=لأعـرش يبقــى له ولا ليــله ينام
والقاهــره تبكــي دمــوع المعـاناه =يومـين صــارت عندهــم كنها عام
هذا مع حسني وهــذا من اعـداه=والمشكله في الشعب لإطاح ماقام
وهــذا يبي ينهــب وتفكيرة أعمــاه =مايدري ان الشعب للأرض خـــدام
وأن جيت للسـودان يأكــبر بلـــواه =مقسمـه صارت إلى عــدة أقسام
بالمختصر يعني مخطــط وشفـناه =واضــح ولايحتـاج توضيـح واحكــام
خــذ المثل لبنـان حــزب المــوالاه=بينه وحــزب الله هجــران وخصــام
هــذا مــع أمريكا وهــذا مع الشاه =لعبــة مصــالح واضحــه عبر لعـلام
ندري السبب ايران في كل ماجــاه=احيان احسه فارسي مو من الشام
وما صــار في صنعاء وكل مـــا رأيناه=إلا دليل الظلــم في حكــم ظـــلام
الشعب يشكي قسوة الظلم والاه =دام الرئيس وقبضتـه قبضـة إعـدام
وش عاد باقي ياعــرب ما خسرناه =عادي خسرنا شعوب من أجل حكام

المشاركة الأصلية كتبت بواسطة سفر الحارثي (المشاركة 235150) اخي فيصل اشكرك على هذه القصيده الموثرة والمعبره عن وضع عريبياوما ذكرته صحيح وقد اشتكينا هذه الحاله عند زيارة وزيرة الخارجيه الامريكيه السابقه رايس للشرق الاوسط وهذه القصيده هذه قصيده ترحيب بالست رايس الشاعر سفر الحارثي يامرحبا بالعبدة اللي لفــــــــــــــتنا ام الخدود السود سيد المـــــــــــزايين رايس بعد مدة قصيرة نصــــــــتنا الها زيارة عندنا كل شـــــــــــــهرين من يوم قامت من بلدها اخبرتــــنا وحنا لها باللي تبي مســــــــــــتعدين واهتز منها الشرق الأوسط والادنا وكلن زرع بالدرب ورد وبســـــاتين ويومنها جتنا وزارة بلدنــــــــــــــا قامت تشكل من جديد الفـــــــساتين وقالت مناهجكم تراها ازعجتــــــنـا اللي بها التوحيد والفـــــــقة والدين تقول علم الشرق الاوسط بيدنــــــا حنا نسن اله الخطط والــــــــقوانين ورمت علينا اشبا كها واشبكتــــــنا وصرنا مثل طيرا بليا جــــــــناحين وقامت تحل احبالنا وفتلتــــــــــــــنا فتلا على نظم اليهود المـــــــلاعين وأخذت تدير اعلومها واقسمتــــــنا بدت بتقسيم العراق اوفلســــــطين ياذا الزمان اللي بظليمة ظهدنـــــــا والديك يرقص في وكور الشياهين ياعريبيا وشب اليهود اوتلتـــــــــنا وحنا نقدر في مئات المـــــــــلايين