تعال والكفن بيديك !!أبيك أنت اللي تغطيني ,
كتمت الدمع في عيني كتمت وناحت الأحزان
كتمت وصاحت العبرة حياتي لاتعنيني
كتمت الآه في قلبي وعذب قلبي الكتمان
وقف نبضي بكى همي جروح الحال ترثيني
ياهمي آه ياويلي في بحر الآه أنا غرقان
غريق وما لقيت اللي يحط أيديه بيديني
صدمت بصخرة الواقع تحطم مركب النسيان
تكسر جّرح ضلوعي شظايا تقتل سنيني
رسمت البسمة بشفاتي وعيني ترسم الأحزان
الم واخفي معاناتي ويبان الهم في عيني
تحطم كل مافيني تبعثر داخل الواجدان
الآ ياشينها دنيا تجمع حزنها فيني
وماتت كل طموحاتي وباقي هالامل عطشان
امل يرجيك في بعدك تحن أرجوك و تجيني
تعال أرجوك ياحبي أبيك تشّيع الجثمان
تعال والكفن بيِدك أبيك أنت اللي تغطيني
تعال احفر قبري حياتي واعشق النسيان
أنا مابي بعد موتي تفكر بي وتبكيني
عسى السعد في دربك وتجهل دربك الأحزان
وأنا بقفي عن الدنيا دفئ قبري يكفيني