|
هل تؤيدين الزيارات المفاجئه ؟؟!
تخيل انك عايش ببيت مكون من غرفتين ومافي صالة وانت نائم المغرب العصر كل واحد حر ببيته ينام وقت مايبي ويصحى وقت مايبي
المهم انت او انت نايم بغرفة واهلك واخواتك او اخوانك بغرفة ثانية وعاد تعرفوا منضر الغرفة لما يكون فيها عدة اشخاص نايمين هذا جنب الجدار وهذا جاي بالعرض وهذا غلط والغرفة لاتخلوا من الكركبة اكيد جك ماء هنا كتاب جنب فلان سوني هنا لاب توب هنا كاكولا هههههههههههههههه وفجاه دق الباب بشويش ثم دق ودق والدق يرتفع ويتعالى يعني بالطيب بالغصب لازم تفتحوا وقمت او قمتي وانت بعز نومك وكشتك طالعة او كشتك وحالت امكم حالة وزحفت نحو الباب فتحته وتتفاجى انه يطلع زايرينك ضيوف عائلة مكونة من اطفال وبنات وشباب وامهم وابوهم ولاتنسى شكل الغرف واهلك مكركبين نايمين وانت دايخ نووووووووووم ابي اجوبة على هذه الاسئلة؟؟السوال الاول: هل انت من هولاء الي يزورو الناس فجاة بدون موعد حتى لوكان اخوك السوال الثاني: هل تقبل على نفسك ان يزورك احد بلا موعد لوكان اخوك لان يخوان اذا اخوك يمون عليكالسوال الثالث: لو مثل ماقلت انحطيت به الموقف الي سبق ذكرنها كيف بتتصرف وخاصة لما تكون طفران ممكن حتى( بن قهوة )ماعندك لان للاسف كل عائلة لها ضروفها فيها المريض فيها الي جاي من دوام تعبان فيها الي عنده اختبار هلكان هذا طفران موقادر يستقبل ضيوف الثلاجة مع الغلاء الحاصل اغلبها خالية اتكلم عن واقع للاسف احنا بعصر كل وسائل المواصلات واولها الجوال لكن في ناس ماتستاذن ولا تعطيك موعد بقدومها انا عن نفسي مجربته كثثثير ياخوان ماوضعت المشكلة الا بجد في بعض من الناس يعانوا من هالمشكلة وانا منها انا ببداء اجاوب على الاسئلةالاول ماحب ازور احد الا موعد مسبق ب24 ساعة على الاقل الثاني :ماقبل احد يزورني بلا موعد حتى لو اخوي لان اذا انا امون على اخوي مو ذنب زوجي ولا بقيت الاهل الثالث: لو انحطيت بها الموقف بوقفهم على الباب اول شي عقاب لهم ثاني شي بفضي الغرف وأخليها من النائمين وادخلهم الغرف وطبعا بزرعهم نص ساعة حتى اهي نفسي والشاي والقهوة يمكن تقول تصرفي عيب مافي عيب مع الي مايعرف العيب فيه اختراع اسمه جوال تلفون رسالة مجانية حتى لو ارسلوا ومارديت المفروض مايجوا فجاة ا |
لسوال الاول: هل انت من هولاء الي يزورو الناس فجاة بدون موعد حتى لوكان اخوك لا الحمدلله اصلا طلعاتي بعد كم شهر مره وبصعوبة كمان لا حتى بيت اخوي الله يرحمه لازم نتصل عليهم بعد كم يوم عشان نزورهم هل تقبل على نفسك ان يزورك احد بلا موعد لوكان اخوك لان يخوان اذا اخوك يمون عليك لا اعصب وازعل بس لازم استقبلهم عيب السوال الثالث: لو مثل ماقلت انحطيت به الموقف الي سبق ذكرنها كيف بتتصرف وخاصة لما تكون طفران ممكن حتى( بن قهوة )ماعندك مااظن المويا مافي هههههههههههههههههههههه مالهم غير مويا عاد انا اسفه بس زيارتكم جات مفاجئه عشان يستحو وماعاد يسووها ^^ |
اقتباس:
هلا ياقمر منوره وتسعدني مشاركتك وع قولتك المويا يبرد الاعصااااااااااب ههههههههه خذذذذذذذذذذذذي حبي واحترامي |
أنني صارمة في مثل هذه الأمور00 ولا أجبر نفسي على شيء لا أحبه ولا أستسيغه فمنذ صغري تعودت أن أستقبل صديقاتي الصغار بمواعيد تنسقها والدتي وعندما كبرت أصبح الأمر اكثر جدية بالنسبة لي فأنا لا أذهب أبداً من غير موعد00 بل لدي عادة يقولون أنها سيئة : لا أذهب للزيارات سوى بدعوة وبطلب من صاحبة المنزل مهما كانت درجة القرابة وحتى الأتصالات لا أستقبلها سوى بموعد عن طريق الرسائل النصية تستأذن في الأتصال والسؤال عن الوقت المناسب يستثنى من ذلك 4 أشخاص لهم الحق بالإتصال في جميع الأوقات ** ورغم وجود ملحقات في حديقة منزلنا معدة دائماً لأستقبال الضيوف إلاّ أننا لا نستقبل أحد سوى بموعد مسبق أقلها من 3 إلى 4 أيام وعندما يتطفل الأخرين فإن الخادمة هي من تجيب على الهاتف الخارجي للمنزل وتعتذر لعدم وجود أحد00 ورغم أستنكار البعض ذلك فهي حرية شخصية وإن لم يرتاح المرء في منزله ، فأين يكون ذلك وقد ذهب الكثير ممن نعرف إلى تقليدنا في زياراتهم فتلك العادات العشوائية في الزيارات تثير غضبي وفيها أنتهاك صريح لحرية الوقت لدى المرء وكأننا متفرغين تماماً لهؤلاء وبأنتظارهم في أي وقت نحتاج لوضع حد ، من غير أن يستاء أحد فعندما نعلم بأن هذا حرية وحفاظ للخصوصية المنزلية نتقبل الأمر بكل سعة صدر القديرة00ريوف إلى الأمام فنحن نحتاج لمواضيعك النقاشية والحوارية0 |
اقتباس:
هلا وغلا تسعدني طلتك وحوارك اول شي الزيارات حلوه مافيها شي بالعكس تقرب الناس من بعض وتخلي الواحد يعرف الناس ويختلط فيهم .. بس عاد اللي بيجي بدون وقت محدد هذا اكيد يمون ميانه مو طبيعيه يعني مسموحله يجي باي وقت وحتى لو ماعندي مويه اقدمها له هو يمون بدق عليه وهو جاي اقوله جب معك هيك وهيك .. بس اللي مايمون عاد هذي مشكله وبيصير وقتها انسان بجيح وماعنده احترام بصراحه .. انه يقط وجهه باي وقت وبدون استإذان .. انا عن نفسي بيتوتيه ماحب اطلع كثير بس بيتي مفتوح للي يبي يجي حياااه عين لحاف وعين فراش بس عاد لايفلها ويجي كل شوي هههههههههههههههههه يسلمووو رووعه فديتك على المواضيع الحلوه واهتمامك بالمنتدى ومجهوداتك الملحوظه .. لا خلا ولا عدمتك يالغاليه .. بانتظار جديدك فلا تحرمينا . خذذذذذي احترامي وحبى وتقديري تحيــاتي للجميع |
| الساعة الآن 09:59 PM |
Powered by vBulletin® Copyright ©2000 - 2026
