منتديات منابع الأدبية - (( عَشَقْـتَــه عِشــق ماظنّـي عَشَق مثلـه أَبَـد إنســـان ))

أَعـانِق وحدتي وابكـي ولا أقوى على الكِتـمـان

بـ هذا الصَدْر ياعـــالم دِفَـنْـت أَسرار مكـلــــومــه

الين الحين في بالي بَشَر يِصْعَـب على النِّسيــان

هذاك اللي مَلَك رُوحي .. عَشَقْــه الـ قلب مالومــه

أغص بـ دمعتي وامســــح بِقايــــاها قَـبِــل لاتبــان

لأن اللي بغــوا جرحي .. عزاهم أبقى مهزومــه

حشى ماهمّني مِن قــال : خسارهـ عِشقكـم مازان

يـ عِذال الهوى والحب .. ترى الأقدار مقسومــه

أنا لو جيت بس أحكـي عن الماضي الذي قِـد كــان

قَسَـم بالله ماأقـــدر أجيــب الصِدْق وعلــــومــه

حبيبي فَــارِق بـ وَصفه شَـ قول ولو حَكِيــت الآن

يجي القَــرن الذي بَعْــدي ولا وفّيت معـلــومــه

حبيبي كـان ماخذنــي عن العــالم عن الأحــزان

يقول : أرجـوك إنسيهم بـ غيــري مانتِ ملزومــه

إذا شـاف الحِزِن يَرسِم ملامــح عبرتي بُـهتــــــان

يجي يمسح دموع القلب قبل لاقول : مهمومــه

ويفهم نظرة عيوني .. يقــول : انتِ تبيـــن أحضــان

وياخذني على حضنــه أصيــر أقــرب من هـدومــه

وإذا يقسى عَلَي يومين .. أجي أسأل : عَلَي زعلان ؟!

ملامح وجهـي تشــرح له معــاني وصف |مصــدومــه

يناظرني بـ طَرَف عينه .. ويهمس لي : |أنا عطشــان|

واجي أرويــه من شـوقــي وانـا بالحيــل مغرومــه

نويت آصــون ذِكــرانـا ولو هُـــو للـ وفــى مــــاصــان

نذرت أبقى على .. حبـه حَلَـفْـت وحِلفي ماصومــه

عَشَقْـتَــه عِشــق ماظنّـي عَشَق مثلـه أَبَـد إنســـان

ولين الحيــن أردّدها |عســى يُومـي قَبِـــل يُـومــه

مما راااق لي