جيت ساري معك ياسود العيون = الضمى للجوف والبرد ليدي
والسهر مسجون فأ طراف الجفون = لانتهاك ولا قدر بك يبتدي
يا عتاب الصبح في شفاه الغصون = في فوادٍ من صباحاتك ندي
والله أنك لا ركنتي لسكون = ذابت نجوم الثريا فـ جسدي
كنت عاقل لين شفتك يالجنون = وان رفعت الصوت بحدى لك حدي
وان غطاني بالوله شمع الشجون = قلت يا شعري تعزوى يا بعدي
دامني شلتك عن عناقات دون = لاتخليني على الدرب وحدي
من مشاريه الغلا شلت الديون = والاماني لا مشت قلت اقعدي
كل ما غنيت يالطرف الحنون = اتعب الافكار ما مات جهدي
عينك اليمنى مفاتيح السجون = وعينك اليسرى عذابي وسعدي
لاتشب الشعر في غر المزون= خايف ٍ لاغبت يطفى موقدي
العواذل لافترقنا يفرحون = جعلهم يفدون حزني ونكدي
ان بغو يرضون والا يزعلون = ما تطول الحلم يا خطو الردي
للمواجع في غارات وطعون = وللملامه في نار ٍ وبردي
انتي اغلى غاليه عندي تمون = اشهدي يا سنين يا سنين اشهدي
لو جفيتك ..!! يوم ؟ تغتاض اللحون = وانك كتبتك شعر ليلي سرمدي