ياخاطري سولف بلا قيد واحساب=سولف وطول بالقصص والحكايا
خل الكلام اللي سكت يفتح الباب=يكفي غريب الدار صمت الزويا
سولف. وسولف وترك الهرج ينساب=ماعاد باقي للحواجز بقايا
تلعب موازين الدهر دور الارهاب=توشحت بالسود بيض النوايا
سولف علي ياخاطري وانت منصاب=مليت صمتك والجروح الخفايا
عطني علوم الليل يوم القمر غاب=سولف عن اللي تحتويه الحوايا
ياخاطري سولف ولا ابغاك ترتاب=عن مسألة بوق العهد والوصايا
كم ضاع حق وفيه للحق طلاب= ومن ضاع حقه ماتحرى العطايا
ياخاطري سولف عن الوضع بسهاب=كلي سمع لمعقدات القضايا
لي (سن) يضحك بالشدايد.ولي ناب=ولي هامةٍ تشمخ بكل المرايا
ماعاد افكر.. وش خذى الوقت.. وش جاب=عندي تساوت حسنته بالسوايا
ياخاطري سولف علي مابقا اصحاب= في عالماً كله ذنوب وخطايا
العمر واحد والدهر كله اسباب=والصمت مايوقف سيوف المنايا
ياخاطري ماهزني جمع الاحزاب=حتى لون اسنين عمري عرايا
ماذل نفسي عند ربعي والاجناب=وجيوب ثوبي من كفوفي ملايا
ياخاطري..تدري.. ترا خاطري طاب=ماقلت يكفي مير.. خل البقايا

المشاركة الأصلية كتبت بواسطة خلف الأسيد ياخاطري سولف بلا قيد واحساب=سولف وطول بالقصص والحكايا خل الكلام اللي سكت يفتح الباب=يكفي غريب الدار صمت الزويا سولف. وسولف وترك الهرج ينساب=ماعاد باقي للحواجز بقايا تلعب موازين الدهر دور الارهاب=توشحت بالسود بيض النوايا سولف علي ياخاطري وانت منصاب=مليت صمتك والجروح الخفايا عطني علوم الليل يوم القمر غاب=سولف عن اللي تحتويه الحوايا ياخاطري سولف ولا ابغاك ترتاب=عن مسألة بوق العهد والوصايا كم ضاع حق وفيه للحق طلاب= ومن ضاع حقه ماتحرى العطايا ياخاطري سولف عن الوضع بسهاب=كلي سمع لمعقدات القضايا لي (سن) يضحك بالشدايد.ولي ناب=ولي هامةٍ تشمخ بكل المرايا ماعاد افكر.. وش خذى الوقت.. وش جاب=عندي تساوت حسنته بالسوايا ياخاطري سولف علي مابقا اصحاب= في عالماً كله ذنوب وخطايا العمر واحد والدهر كله اسباب=والصمت مايوقف سيوف المنايا ياخاطري ماهزني جمع الاحزاب=حتى لون اسنين عمري عرايا ماذل نفسي عند ربعي والاجناب=وجيوب ثوبي من كفوفي ملايا ياخاطري..تدري.. ترا خاطري طاب=ماقلت يكفي مير.. خل البقايا