منتديات منابع الأدبية

بسم الله الرحمن الرحيم ..

على الله اتكالي .. يالحبيب المرغم المقهور = مصيرك فـ .الليال المقبلة ..يازين تنساني
عليك الله وأمان الله .. تماثل بالصبر مجبور = الين اقفي من الباب الحزين .. بجملة احزاني

أضع القصيدة بين ايديكم .. كأول مصافحة
علها تحوز على القليل من الإعجاب ..

عقب ذيك الظروف اللي رمتني بالحساء شهرين = يحين الوقت وأرجع للجميع .. وسّم ياالساني
رماني حظي العاثر .. على ليل الفراق الشين = رماني ليلي القاسي .. على ليلٍٍٍٍٍ تحداني
بعد طول الغياب .. وسكة التخمين .. والتضمين = تباطى جيتي .. داري.. على .. ربعي .. على أخواني
سألني كل غالي .. عن اغيابي من ثلاث سنين = و أجاوب بأبتسامات ٍ .. تغيض الدمع بأجفاني
و أرووح أحكي عن ايامي .. وأجملها بشيء ٍ زين = وأمثل بالكذب .. فرحة لقاء .. ربعي وصدقاني
وأنا .. والله عليم .. اني تحريت الفرح عامين = بعد عام ٍ خذا البسمة ولا ادري وين وداني ..!!؟
رحلت .. بلا حدود .. ولا رفيق .. ولا متاع .. ودين = بعد .. دين ٍ كمل لي .. وأنتهى ..بتركي وحرماني
تركني .. لا سبب مقنع .. ولا غادر .. ولا تطمين = ولكن القدر .. يحكم ..وذاك الحكم ..رباني
دفني .. مثل دفتر عشق .. محروق .. و مبلل طين = و كتب لي فوق قبري .. عايش ٍ عمرك على الفاني
رجعت .. احمل همومي .. وأسأل دياري ..حبيبي وين ..؟ = عسى الغالي ..عقب ما طالت الغيبة .. تناساني
تبعثر ليلي المظلم .. وميزت الثلاث ... اثنين = وضاعت كل كلمة .. وقت ذاك الصوت ناداني
اداري نظرتي .. لين اصبحت هـا اليد باليدين = و لدّيت النظر .. لين اصبحت لاعيان بأعياني
صدى صوته ..يحرك خافقي .. والعين قدم العين = وسالت دمعته .. لحظة تكلم .. ليه تجفاني .؟
يعاتبني وانا اللي من حياته .. راحل ٍ ذا الحين = وعليه الله .. وامان الله .. بكـَـاني .. لين .. بكـّـاني
نويت أمشي ... وانا أشر ما حسبنا طعنة السكين = ومديت القدم قال .. انتظر لحظة على شاني
ترى قلبي ولو ترحل .. يمينا ً ما اسكنه شخصين = وطلبتك يالوفيّ انك تذكر حبك (.....)؟
ضحكت..وقلت.. والله لـ البنادم .. ما انخلق قلبين = الا ليت المحبة .. ما دخلها شخص خواني
تطمن يا حبيبي وامسح الدمعة عن الخدين = انا اللي مانسيتك .. لو نسيت اسمي وعنواني
سألتك ..بالولي .. اللي ..خلقك بروعة التكوين = تكفف دمعتك .. لين .. الزمن .. يجبر .. عزاء احزاني
جبرني فيك .. قلباّ يشتكي بمجبتك دهرين= عرف بعد اللقاء هذا .. حرام ٍ نلتقي ثاني
خذتني دمعة اعيونه .. رحيل ٍ داخل العينين = خذتني نظرة افراقه .. رحيل ٍ داخل اوطاني
وخذتني رحلة ايامي ..بعيد ٍ عن ديار الزين = وخلدّ حبنا.._(...............و...........)؟
وذبحني دفتر العشق .. وحفر لي جانبه قبرين = وضمتني اليدين .. اللي عبق نرجس وريحاني
وإلى ذالك الحبيب اللي تمنى رجعتي .. عامين = رسالة .. تكتب .. افراقي .. وشكري له .. وعرفاني
وعقب ذيك الظروف اللي رمتني بالحساء شهرين = يحين الوقت وأرجع للجميع .. وصح يا الساني

وسلامتكم ..

مع التقدير والتحية ..

اخيكمـ..

شامخ الشامخ