الحب بلوى وإبتــلاء فيه خالد =بليته في ذا الزمن من صغيــره
مزيونةٍ في زينها ماتوالــــد =بنت الثمان العشر فيها كثيــره
بين العقل والقلب صار المجالـد =كلٍ يباله قسمةٍ من عبيــــره
و العمر يمشي والسواليف تالـد =و القلب في حبه مطوّل مسيـره
حالف في هذا الحب تُكتب مخالد=و يصير في حبه علومٍ خطيـره
يبغى يتقـلد من زمانه مقالــد =وتصير له قصـه ومنهج وسيره
وتصير له أمثـال في حب خالد =مخلدّه فالحب ماهي قصيـــره
يم الخلل ياناس والله مالـــدّ=و العيب شايب و الحبيبه صغيره