قايمة ستة وثلاثين..ونسو من واحد=فجّر الحب بعروقي..من هواه ارهابي
حرّق خدودي وجفني..ثمّ ولّى شارد=شرّد الدمعة..وموّت حاجبي وأهدابي
ومات قلبي له شهيدٍ بعد ليلٍ صاعد=وأخْذ زفراتي رهاين..لين كبدي ذابي
ولايزال البحث جاري..والمصيبة قاعد=مختفي مابين طاقات العيون وبابي
قال والله لأذبَحِك..وأنا تراي مجاهد=في صفوف الحب..يلعب بالهوى بأعصابي
مافعَل فِعْلَ الفِئة..لاتحسبونه فاسد=كلّه ارهابه عليّه..يوم أقول ارهابي
كله ارهابه محبه..بسّ حبٍ زايد=أخْذ حبّ اللي بعيد وحب كل اقرابي
واِنْ نشدتوني تحبه..قلت واجد واجد=والله انِه ملْك قلبي..واعذروا يااحبابي
قلبي آحِسّه لغيره في الحقيقة جامد=ماأكذب اِنْ قلت انّي احيابه وهُو يحيابي
ملمسه رِقّه وريقه سلسبيلٍ بارد=من شفايفها الندى بالورد..شهْدٍ ذابي
اشهد انّي متّ فيها..والله اللي شاهد=حبّ طبّ القلب معها..باطل و كذّابي