ان فى الشعر لحكمه طالمـا عالـج قضيه = ان فخرنا وان وصفنا وان مدحنا وان هجانا
ليت شعري كم كتبنا من قصايـد عاطفيه = والهوى ماهو هوانا لونقول انه هوانا
امة الاسلام تطحنهـا الحـروب الماسويـه=يالله انـك لاتخيبنـا ولا تقطـع رجـانـا
والعرب مايضحكون الا علـى شـر البليـه= مير صارت تضحك العالم علينا من بلانـا
سوبر ستاروخـراب ديـار وامـورٍ خفيـه= انتعولم فى زمـان العولمـه ليـن انعمانـا
حاضر الاسلام تبكيه الحـروف الابجديـه= مـن تفرقناولوعتنـا وحسرتنـا واسـانـا
مارضينا بالهـوان ولا رضينـا بالخطيـه= والا قولوا يجبر الله فـى كرامتنـا عزانـا
كلنا حسان ابـن ثابـت ثبـات وشاعريـه= كلنا سيـف الله المسلـول لاكثـروا عدانـا
اللهم صلـي وسلـم علـى خيـر البـريـه= الرسـول اللـي دعانـا للهدايـه واهتدانـا
حى ذكره كل ماعطر بـه الانفـاس حيـه= من حديث الى حديث من الرواه ولا ارتوانـا
الامين الصادق المصدوق والنفـس الزكيـه= ليش مانغضب على شانه وهوغاية رضانـا
عرضي ومالي وروحي من فـداه ووالديًـه =ننصره ونذود عن عرضه وترخص له دمانا
ماخلق زيه ولن يخلق ليـوم البعـث زيـه=خُلقـه القـران قدوتنـا بغيـره ماقتـدانـا
سيرته فى قلوبنا عطره وفى الافعـال حيـه = له محبتنـا ولـه منـا الغـلا ولـه وفانـا
يادعاة العهر واهل الكفـر حملتكـم غبيـه =مكرمٍ ربـي محمـد عنكـم وتكـرم لحانـا
من قذارتكم حضارتكم مجـون وعنصريـه= يابشر قبل القشر ولًوا وحلًـوا عـن سمانـا
حسبنا الله يخزي الظالم ولـو يـزداد غبيه = من شرور الحاقديـن الحاسديـن الله كفانـا
قال حرية صحافه قـال!! هـاذي عنجهيـه = مابحثت (الهولوكست) ولا كتبت ولا قرانـا
ينصر الله دينـه وقرانـه وينصـر نبيـه = صفنا واحد بعـون الله ولا تشقـر عصانـا
اللهم صلـي وسلـم علـى خيـر البـريـه = الرسـول اللـي دعانـا للهدايـه واهتدانـا