منتديات منابع الأدبية

جاني وانا في وسط ربعي وناسي *** جاني نشلني مثل ما ينشل الناس

مني نشل روح تشيل المآسي *** تشكي من ايام الشقى تشكي الياس

اثر الالم في سكره المـوت قاسي *** ماهالني مثله وانا انسان حـساس

جابوا كفن ابيض مقاسه مقاسي*** ولفوا به الجسم المحنط مع الـراس

وشالوني اربع بالنعش ومتواسي *** عليه ومغطى على جسمي البـاس

وصلوا علي وكلهم في مـآسي *** ربعي ومعهم ناس من كل الاجناس

ياكيف سوا عقبنا تاج راسي *** وامي الحبيبه وش سوى بها الياس

اسمع صدى صوت يهز الرواسي *** قولولها لاتلطم الخد ياناس

قولولها حق وتجرعت كاسي*** لاتحترق كل يبي يجرع الكاس

اصبحت في قبري ولابه مواسي*** واسمع قريع نعولهم يوم تـنداس

من يوم قـفوا حل موثق لباسي*** وعلى رد الروح صوت بالاجراس

هـيكل غريب وقال ليه التناسي*** صوته رهيب وخلفه اثنين حراس

وقف وقال ان كنت يانمر ناسي *** هاذي هي اعمالك تقدم بكراس

ومن هول ماشفته وقف شعر راسي*** وانهارت اعصابي ولاارد الانـفاس

أكثروا من ذكر هادم اللذات

منقول للفائدة