تعب لحن الشعر منـي و القوافـي اتعبنـي=و عفت عقبه كل قصر مشيداً و سط المدينـه
قلت برحل بالليالـي حتـى لـو ماساعدنـي=يمكـن العاشـق يغنـي لـو تحدنـه سنينـه
في محيط الحب ببحر يا مجاديـف ادفعنـي=لو على حد البحر ثم ارتفـع فـوق السفينـه
صاحبي سهم المنايا مـن عيونـك يجرحنـي=خاف في لحظة شرودك من سهامك تذبحينـه
يا بنات الفكـر غنـن بالمعانـي واسعفنـي=يا عساهن في طربهن يكشفن له عـن حنينـه
لا وصلتو اسئلوهـا لمتـى هالظلـم حنـي=وان سئلكم علموهـا فـي مكانـه خابرينـه
و أن سئلكم عن حياتي كلهـا دمـع و تمنـي=و الدموع الي سكبهن جرحن خـده و عينـه
و السنين الي جفني عـن غـلاك يراودنـي=و البشر في مبتغـاه الـي هواكـم لايمينـه
و العذارى كل مـره عـن فـؤادي يسئلنـي=يحلمن بصيد قلبـي و التمتـع مـن معينـه
الحلا و الزين واجد بـس عيونـك يأسرنـي=آه يا محلا حلاهـا تشفـي جروحـاً دفينـه
آه مـن خرسـاً هدبهـا يذبحـن لا طالعنـي=و ان لمحته مقفيً ناديـت راضـي تقتلينـه
و ان سئلت رموش عينك ليه لي ما تعتقنـي=جاوبني في صراخاً غاشيه صمت و سكينـه
و ان سئلت دموع خدي يا دموعي جاوبنـي=النواظر وش بلاها و ليـه كفـي تسكنينـه؟
جاوبني من غلاهـا حبهـا ظلـم و تجنـي=و ارتسم لحن الاجابه فـوق نغماتـاً حزينـه
و الله اني صلب صابر لو ظروفي حاربنـي=ابتسم لو وسط جوفي يزرعوا بيـضً سنينـه
المجالس تهتوينا مـع صـدى نجـراً يدنـي=و من نصانا ما نرده نكرمـه باغـلا ثمينـه
و ان تجاهلنـي رداهـم المراجـل يعرفنـي=و ان وجب عهداً علينا من زمانـه حافظينـه
من رجالاً روسها صلبه ولـو مـا طوعنـي=بس زايد راضـيً ومطيـع بأنـك تحكمينـه
شفتك و طحت بيدينك و النواعـس داعبنـي=طفلةً لسـى صغيـره و الفـراش تلاحقينـه
لا تركتك ضاق صدري و الهمـوم يخايلنـي=ليـه قولـي يـا همومـي الفـؤاد تخايلينـه
ليه يا همومـي عليـه لـو ثوانـي تتركنـي=اشهدنـك ماربحتـي دام قلبـي تجرحيـنـه
المدينـه عذبتنـي و الصحـاري يشتمـنـي=اسمعوا صرخة فؤادي الكواكـب سامعينـه
مع شموخ و كبريائك هيبـه وعـزه و فنـي=و الجمـال بكـل نوعـه بالمحيـا تملكينـه
لا لمحت الطيف عابر كن عيونـي يأمرنـي=اجمع احساسي بكفي و انتي منـي تاخذينـه
لا سرى ليل المولع ثـم همومـي ناظرنـي=اذكر الحب و فؤادك و انتي زايـد تعشقينـه
ما خلق مثلك حبيبه بعتقـادي حسـب ظنـي=ينجلي حزني ببسمه او بلمسـه مـن يدينـه
و الجروح الي بقلبي فـي غيابـك هددنـي=ناويه تنزع و تاخذ روحاً بجسمـي سجينـه
و لا نويت انساك واسلى ويش عذري لا لفني=طيفك ونشواة جبي و عشـق خـلاً تهتوينـه
و بالنهايه يا حياتـي اسلبـي هالعقـل منـي=العقل و القلب فدوه كـان هـذا الـي تبينـه