بحضر زفافك..عبرتي تذبح ْنداي=برقص على انغام الحزن في ونيني
سلّم حبيبي عيب ..مديت يمناي=لاتشمت العذال و الحاسديني
اهلاً حبيبي ؟كيف حالك بلياي؟!=الناس تضحك بس دمعي حزيني
عيني بعينك ..من تكون انت لولاي؟=ذرات قلبك حيل والله تبيني
ابغاك تسمع وانتبه زين وياي= بكرة حبيبي لا تقول اعذريني
اليا لمحتك اورقت بسمة شفاي= ويفوح شوقي ورد مع ياسميني
ياما و ياما قلت لبيه مولاي=آمر تدلل والحزن مبتليني
وياما عطيتك من حياتي و دنياي= ياما رجيتك وانت عمري و سنيني
لا لا تمد ايديك تطلب عطاياي=لاتنخدع احذر من اشواك اِديني
ماعاش من يوصل حبيبي مزاياي=لا بد من يوم و تطلب حنيني
اقطع يميني كان حصلت شرواي=دوّر واذا حصلت لا لا تجيني
خلّص كلامك ما ابي تسمع بْكاي=برق المواجع بعثر اغيوم عيني
صد ياحبيبي كن بعيداً عن حْذاي=امسح دموعك..قول ربي يعيني
الليـــل يلطم وجه صبحي فمسْراي=ودموع فجري زلزت أرض فيني
حاولت أخفي ..دمعتي تضوي ْسماي=شابت خناجر داخل القلب فيني
الناس شافت جرح قلبي و بلواي=مرسوم جرحي وسط صفحة جبيني
ماهي بسيطة سكرة الصوت بالناي=ولا هي بسيطة طعنتك يا ضنيني
امض بحياتك لا تجي دوّر سْواي=يا ما بكيتك من جروح بيميني
يا دنيا بصرخ حيل و اصرخ من ْقصاي=يا دنيا روفي اعطفي وارحميني
دنياي اروي كل همه من ْشقاي=داوي جروحي بالفرح واحضنيني
يالله تضوي كل دربي و ممشاي= تاهت دروبي..ضعت محتار ويني
ماطعت عقلي للأسف ضاعت خْطاي=ادفن همومي بين نفسي و بيني
جيتك أبارك.. عبرتي تذبح نْداي =برقص على انغام الحزن في ونيني